Genesis 41:42 - Manobo Western Bukidnon OT

⁴² Ne mibpul-ut dutun te hadì is sising din he iyan tuus te keǥehem din he insarig din ki Jose. Mibpesun-uzan din si Jose te utew mahal he manggad he meputì ne mibpevelieǥan din sikandin te rantey he vulawan.

Genesis 41:42 ပူးပေါင်းရင်းမြစ်များ

Genesis 38:18

Mid-insà si Juda te, “Hengkey is ibpesandè nu kedì?” Midtavak si Tamar te, “Iveǥey nu kediey is penmarka nu wey is hiket din he imbevelieg nu, ragkes en is tuked nu.” Umbe imbeǥey haazà ni Juda ne mibpekidhilavet sikandin ki Tamar. Ne hein nepasad haazà mid-ulì si Tamar, ne in-awè din is tambun te vuked din ne mid-uman mebivisti te visti he para te valu. Ne hein malù en neuǥet mibmeǥingey sikandin.

Genesis 41:43

Ne insuǥù din he ibpeuntud si Jose te ikezuwa he lavew he kerwahi zin, ne insuǥù din daan he zuen menge etew he edhuna ki Jose wey zan mekevensag te, “Luhud kew!” Ne iyan haazà neulaula hein insarig duen te hadì te Ehipto ki Jose is kebayàbayà te tivuuk he ǥinhedian din he Ehipto.

Ester 10:3

Ne si Mordecai, ebpeketinundug is kandin he kegkelavew te utew kegkelavew ni Hadì Ahasuerus. Si Mordecai edlingahaan wey edtehuzen te zuma zin he menge Judio, ne edtehuzen dan sikandin su nekeveǥey te keupiyaanan te menge emurè din te inged, wey te zuma zin he menge Judio, wey nekidlalag sikandin te hadì para kandan.

Ester 3:10

Ne migkuwa zutun te hadì is sising din he ibpenmarka ne imbeǥey zin heini ki Haman he kuntada te menged Judio, he anak ni Hamedata he kevuwazan ni Agag.

Ester 3:12

Umbe hein ike-13 he andew te nehuna he vulan, impetawag ni Haman is menge sikritaryu te hadì. Ne impesurat kandan is ibpeuwit diyà te menge gubirnedur, he menge pengulu wey upisyal ziyà te kada prubinsya te ginhedian din wey te menge kineǥiyan te menge meǥinged dutun. Midhimu zan heini is surat pinaaǥi te ngazan ni Hadì Ahasuerus, ne mibmerkahan duen te sising din.

Ester 8:10

Impesurat heini ni Mordecai pinaaǥi te ngazan ni Hadì Ahasuerus, wey midtuusan te sising te hadì. Ne impeuwit te menge sinuǥù he nemen-untud diyà te meǥaan he menge kudà te hadì.

Ester 8:15

Ne si Mordecai mulà, migawas diyà te turuǥan is mibivisti te visti te hadì he meitem is kaavuavu zin wey meputì, ne zuen din pendivavew he visti he linu he merudtem. Ne kukuruna sikandin te zekelà he kuruna he vulawan. Ne uruhuyan dà te menge meǥinged diyà te Susa tenged te utew zan kegkengelipey tenged duen te suǥù.

Ester 8:2

Ne zutun te kebpeetuvengè dan, mibpul-ut duen te hadì sikan is sising he para idtuus he midhawì din diyà te ki Haman, ne imbeǥey zin diyà te ki Mordecai. Ne si Ester, imbeǥey zin diyà te ki Mordecai is keǥehem te kebayàbayà te langun he azen ni Haman.

Ester 8:8

Guntaan, surat kew en te sevaha pa he suǥù pinaaǥi te ngazan ku para te menge Judio. Ne isurat niw ke hengkey is meupiya para keniyu, ne merkahi niw heini te sising ku. Su is minsan hengkey he dukumintu, kenà egkehimu he edhelinen emun ingkemarka zuen is ngazan ku wey sising ku.”

Salmo 73:6

Umbe, melemu zà diyà te kandan is kebpaahà te kegkegelbuwen dan wey kegkemesipala zan.

Erubasa 1:9

Is penurù dey ebpekeveǥey kenikew te meupiya he vetasan iring te kuruna he menge vulak etawa velieg he ebpekeveǥey kenikew te mekempet he kedezagwey wey zengeg.

Erubasa 31:22

Ebpengavel sikandin te para te idempas diyà te hizeǥaan. Ne ebivisti sikandin te mekempet wey mahalen.

Erubasa 31:24

Haazà is bahi ebpenahì te mekempet he menge visti su manggad he linu, wey ebpemaal zaan sikandin te vakes ne haazà pudu zin ibpemelegyà diyà te menge tumitinda.

Solomon 1:10

Utew mekempet is dagwey nu he mid-iseg mebmekempet tenged te menge eritis nu. Mekempet is lieg nu he mibelieǥan.

Solomon 4:9

He pelanggè ku he minahal, sengepedsirap nu zà kedì ne nevihag nu en is gehinawa ku wey tenged te sevaha zà he zayandayan te belieg nu.

Isaias 3:23

peǥelungan, bisti he linu, tengkulu, wey tezung.

Jeremias 52:33

Umbe, wazè en mebivisti si Jehoyakin te visti te pinirisu, ne puun dutun dumè en sikandin duen te hadì emun egkaan dan.

Ezekiel 27:7

Is layag nu binurdahan he linu he ebpuun te Ehipto. Ne henduen te bendirà is ked-ahaa kayi. Is terapal nu maavuavu is keitem din wey merudtem he ebpuun diyà te isla te Elisha.

Daniel 5:16

Piru netudtulan a he metau ka mulà he edseysey te kehuluǥan, wey metau ka he edsulbar te mereǥen he menge prublima. Guntaan, emun egkevasa nu wey egkeseysey nu is kehuluǥan keniyan te nekesurat, ebpevistiyan ku sikew te visti te hadì wey ebpevelieǥan ku sikew te vulawan. Ne edhimuwen ku pa sikew he iketelu zuen te kinelevawan he menge upisyal kayi te ginhedian ku.”

Daniel 5:29

Ne kebpekepasad ni Daniel te kegkaǥi, ne mibmandù si Belshazar he vistiyi si Daniel te visti te hadì wey velieǥi te velieg he vulawan. Ne midhimu si Daniel he iketelu te kinelevawan he menge upisyal te ginhedian diyà te Babilonia.

Daniel 5:7

Umbe, nekepengulahì sikandin is edsuǥù he umawa is uluwanen he menge etew ziyà te Babilonia: is menge selemengkiru, menge menenagnà, wey menge mengingingkuris. Ne kebpekeuma zan, migkaǥi sikandin diyà te kandan te, “Is minsan hentei he ebpekevasa te nekesurat keniyan te elavat wey ebpekeseysey te kehuluǥan din, ne ebpevistiyan ku te visti te hadì wey ebpevelieǥan ku te vulawan. Ne egkehimu sikandin he iketelu te kinelevawan he menge upisyal te ginhedian ku.”

1 Samuel 18:4

Impeehè din is tuus he tutuu is penangdù din, ne midluwas din is pendivavew he visti zin ne imbeǥey zin ki David, minsan is samput, ispada, panà, wey bakes.