Genesis 41:24 - Manobo Western Bukidnon OT

²⁴ Ne haazà is menge pungu he mid-ukap, ne mid-eveleng dan is pitu he pungu he memeupiya. Ne impenudtul ku heini ziyà te menge selemengkiru, iyan, wazà minsan hentei kandan he nekeseysey kediey te kehuluǥan din.”

Genesis 41:24 ပူးပေါင်းရင်းမြစ်များ

Genesis 41:23

Ne zutun midlepew zaan is pitu he pungu he mid-ukap dà he nezeetan te keramag he ziyà ebpuun te edsilaan.

Genesis 41:8

Ne hein nepawà, utew neliveg haazà is hadì tenged dutun te menge teǥeinep din, ne impetawag din is langun he menge selemengkiru wey uluwanen he menge etew ziyà te ǥinhedian din he Ehipto. Ne midtudtulan din sikandan te menge teǥeinep din, piru wazà minsan hentei kandan he ebpekeseysey zutun te hadì ke hengkey is kehuluǥan dutun.

Exodus 8:19

Ne migkaǥi sikan is menge selemengkiru ziyà te hadì te, “Baal heini te Megbevayà!” Piru mezesen gihapun is gehinawa zuen te hadì, ne wazà sikandin mebpezumazuma ki Moises wey ki Aaron, su iyan heini migkaǥi te Nengazen.

Isaias 8:19

Emun duen egkaǥi keniyu he penginginsè kew te menge minatey pinaaǥi te menge veyilan wey menge etew he edsarig te menge mulin-ulin, ne kenè niw haazà beeli. Insè kew ziyà te Megbevayè niw. Heeyan sikandan ebekèbekè dà is bèbè dan. Ne maan is ed-insè kew ziyà te menge minatey te para te menge uuyag?

Daniel 4:7

Kebpekeuma te menge selemengkiru, menge veyilan, menge menenagnà, wey menge mengingingkuris, ne midtudtul ku ziyà te kandan is teǥeinep ku, piru kenè dan igkeseysey kayi te kedì is kehuluǥan din.