Genesis 41:12 - Manobo Western Bukidnon OT

¹² Duen duma zey ziyà he kenakan he Hebriyuhanen, he suluǥuen te kepitan te menge vantey te turuǥan. Midtudtul zey kandin is menge teǥeinep dey ne midseysey zin kenami is kehuluǥan dutun.

Genesis 41:12 ပူးပေါင်းရင်းမြစ်များ

Genesis 37:36

Ne mid-uwit si Jose te menge Midianhen diyà te Ehipto ne imbelegyè dan sikandin diyà te ki Potifar he sevaha he upisyal te hadì te Ehipto, he kepitan te menge vantey te turuǥan.

Genesis 39:1

Hein mid-uwit en duen te menge Ismailihanen si Jose ziyà te Ehipto, imbelegyà sikandin diyà te ki Potifar he sevaha te menge upisyal te hadì te Ehipto he kepitan te menge vantey te turuǥan.

Genesis 39:20

Ne tenged dutun, impezakep din si Jose ne inseled duen te pirisuan te menge pirisu te hadì. Piru minsan pa te ziyà si Jose te pirisuwan,

Daniel 1:17

Mibeǥayan te Megbevayà heini is heepat he vetan-en te ketau lavew en diyà te nekedseselekawà he menge velesahan wey menge ketudluanan. Ne gawas kayi mibeǥayan din si Daniel te ketau wey zin ikeseysey is kehuluǥan te menge egkengelewasan wey menge teǥeinep.