Genesis 41:1 - Manobo Western Bukidnon OT

¹ Ne hein midlavey en is dezuwa he tuig ne neketeǥeinep is hadì te Ehipto he edhithitindeg sikandin diyà te veyvey te Wahig he Nilo.

Genesis 41:1 ပူးပေါင်းရင်းမြစ်များ

Genesis 20:3

Sevaha zutun he mezukilem, mibpeteǥeinep is Nengazen ki Abimelec he egkaǥi te, “Ebpengelinteuwan ku he mebpatey ka, su haazà is bahi he migkuwa nu, duen din en esawa.”

Genesis 28:12

Ne zutun te kedlipezeng din, neketeǥeinep sikandin te heǥezan he nekehitindeg kayi te tanà ne nekeuma ziyà te langit. Neehè din is menge velinsuǥuen te Megbevayà he ebpememenahik wey ebpemenaug dutun te heǥezan.

Genesis 29:14

Ne migkeǥiyan sikandin ni Laban te, “Tutuu iyan he mesipeg ku sikew.”

Genesis 31:21

Ne zutun te kegenat eni Jacob, mid-uwit din is langun he keleglaǥan din. Midrapas dan te Wahig he Eufrates ne ziyè dan medtandang te menge vuvungan te Gilead.

Genesis 40:23

Piru sikan is pereuwit te inumen, wazè din tevangi si Jose su nelipatan din.

Genesis 40:5

Sevaha zutun he mezukilem, neketeǥeinep kes pereuwit te inumen wey mememaal te supas dutun te kemulu pa sikandan nepirisu. Uman sevaha kandan ne selakew is teǥeinep din wey selakew is kehuluǥan te teǥeinep din.

Genesis 41:2

Ne neehè din he zuen egaun diyà te wahig he pitu he vaka he utew memeupiya wey memelambù he mibpemenabtab dan te menge sagbet diyà te veyvey.

Ester 6:1

Dutun he kezukileman, kenà ebpekelipezeng si Hadì Ahasuerus, umbe insuǥù din he uwita ziyà te kandin wey vesaha sikan is libru he midsuratan te kaaǥi te kedhadì din wey ginhedian din.

Exodus 1:22

Ne midsuǥù te hadì te Ehipto is langun he sakup din he itimbag dan diyà te Wahig he Nilo is langun he menge maama he veǥu he id-anak te menge Israilihanen, iyan, kenè dan mulà idtimbag emun bahi.

Exodus 4:9

Iyan, emun kenè ke zan pa ebpemineǥen pinaaǥi kayi te zezuwa he singyal, kuwa ka te wahig diyà te Wahig he Nilo ne ivusbus nu ziyà te memaza he tanà, ne egkehimu heini he lengesa.”

Isaias 19:5

Ebmevavew is Wahig he Nilo taman te egkemezahan heini.

Ezekiel 29:3

Keǥiyi nu sikandin he iyan a is Nengazen he MEGBEVAYÀ migkaǥi te: Kuntada ku sikew, Faraon he hadì te Ehipto. Neiring ka te zekelà he vuaya he ed-ubpà diyà te menge wahig diyan te Ehipto. Migkaǥi ka te kenikew is Wahig he Nilo, ne mibeelan nu heini para mismu kenikew.

Ezekiel 29:9

Egkehimu he mekevulungbulung is Ehipto. Ne egketuenan niw he iyan a Nengazen. “Geina te migkaǥi ka he kenikew is Wahig he Nilo wey iyan ka mibaal kayi,

Deuteronomio 11:10

Su is tanà he edselezan niw wey ed-engkenen niw, ne kenà iring te tanà diyà te Ehipto he mibpuunan niw. Diyà te Ehipto, emun ebpemula kew kinahanglan he edhaǥù kew te kedtulung kebpeminyag.