Genesis 40:20 - Manobo Western Bukidnon OT

²⁰ Ne netuman iyan haazà su neketelu pa zutun iyan kedsilibra te ked-enaka te hadì te Ehipto ne midtukud sikandin te keemuran ne impetampu zin is langun he menge upisyal zin. Mid-umew zin is egalen te menge pereuwit te inumen wey is egalen te menge mememaal te supas ne impeetuvang sikandan te menge zuma zan he upisyal.

Genesis 40:20 ပူးပေါင်းရင်းမြစ်များ

Genesis 21:8

Ne hein malù en dekelà si Isaac, wey hein nelutas en sikandin, midtukud si Abraham te zekelà he keemuran.

Genesis 40:13

Dutun te kenè pa egkeuma is tetelu he andew, ne ibpeǥawas ke en te hadì kayi te pirisuwan, ne ibpelikù ke zin diyà te zaan he terebahu nu he iyan is ked-uwiti nu kandin te vinu.

Genesis 40:19

Seled te tetelu he andew ebpepungelan ka te hadì te ulu ne ibitey ka ziyà te kayu ne ebpengeenen te menge tagbis is sapù nu.”

1 Hadì 3:15

Nepukew si Solomon, ne zutun neisip-isip din he nekidlalag kandin is Nengazen pinaaǥi te teǥeinep. Te kedlikù ni Solomon diyà te Jerusalem, midhitindeg sikandin diyà te etuvangan duen te Kavan te Kebpekid-uyun te Nengazen, ne nemuhat sikandin te menge pemuhat he edtutungen wey menge pemuhat he para te meupiya he kedepità. Ne midhimu sikandin te keemuran para te langun he menge upisyal zin.

2 Hadì 25:27

Hein ike-37 he tuig te kegkevihag ni Hadì Jehoyakin he hadì te Juda, nehimu he hadì diyà te Babilonia si Evil Merodac. Ne impeǥawas din diyà te pirisuwan si Jehoyakin hein ike-27 he andew te ike-12 he vulan dutun he tuig.

Ester 1:3

Ne hein iketelu en he tuig te kedhadì din, midhimu sikandin te zekelà he keemuran para te menge upisyal zin, wey te zuma pa he ebpenilbi kandin. Midtelavuk daan is menge pengulu te sundaru zutun te Persia wey Media, ne elin daan midtelavuk is dungganen he menge etew wey is menge upisyal ziyà te menge prubinsya.

Job 3:1

Hein neuǥet migkaǥi si Job te mibmehey sikandin ke maan is neetew pa sikandin.

Salmo 105:19

taman te netuman is midtagnè din. Is netuman he lalag te Nengazen diyà te kandin kemetuuzan he metazeng sikandin.

Jeremias 52:31

Hein ike-37 he tuig te kegkevihag ni Hadì Jehoyakin he hadì te Juda, nehimu he hadì diyà te Babilonia si Evil Merodac. Ne impeǥawas din diyà te pirisuwan si Jehoyakin hein ike-25 he andew te ike-12 he vulan dutun he tuig.