Genesis 40:19 - Manobo Western Bukidnon OT

¹⁹ Seled te tetelu he andew ebpepungelan ka te hadì te ulu ne ibitey ka ziyà te kayu ne ebpengeenen te menge tagbis is sapù nu.”

Genesis 40:19 ပူးပေါင်းရင်းမြစ်များ

Genesis 40:13

Dutun te kenè pa egkeuma is tetelu he andew, ne ibpeǥawas ke en te hadì kayi te pirisuwan, ne ibpelikù ke zin diyà te zaan he terebahu nu he iyan is ked-uwiti nu kandin te vinu.

Genesis 40:17

Ne is kinezivevawan en utew zutun te revan, ne zuen taǥù he nekedseselekawà he kelasi he supas he para te hadì, piru mibpengaan heini te menge tagbis.”

Genesis 40:18

Ne midtavak si Jose te, “Iyan heini kehuluǥan te teǥeinep nu: Sikan is tetelu he revan, ne tetelu zaan he andew.

Genesis 40:20

Ne netuman iyan haazà su neketelu pa zutun iyan kedsilibra te ked-enaka te hadì te Ehipto ne midtukud sikandin te keemuran ne impetampu zin is langun he menge upisyal zin. Mid-umew zin is egalen te menge pereuwit te inumen wey is egalen te menge mememaal te supas ne impeetuvang sikandan te menge zuma zan he upisyal.

Genesis 40:22

Ne sikan is egalen te menge mememaal te supas, impevitey te hadì sumalà is kehuluǥan he midseysey ni Jose.

Genesis 41:13

Ne sumalà is kehuluǥan te kada sevaha ne iyan daan neulaula kenami, su siak, impelikù a kenikew kayi te zaan he terebahu ku ne sikan is sevaha, ne impevitey nu.”

2 Samuel 21:10

Ne si Rizpa is anak ni Aya ne migkuwa te saku ne indempas din dutun te vatu su edhidhizeǥaan din. Su ebentayan din haazà is minatey he lawa para kenà mekaan te menge tagbis emun maandew, wey ke mezukilem ne kenà daan egkekaan te menge langgam diyà te ketelunan. Dutun sikandin med-ubpà puun pa te kebpuun te ting-eǥani taman te ked-uzan.

2 Samuel 21:6

Umbe, iveǥey niw kenami kes pitu he menge kevuwazan din he menge maama, su edhimetayan dey sikandan, ne kenà id-awà is menge lawa zan diyà te egkesevukan dan he uvey te ed-ezapan te Nengazen diyà te Gibea, he inged ni Saul he mibpilì te Nengazen he hadì,” midtavak haazà is hadì te, “Uya ibeǥey ku en sikandan keniyu.”

Erubasa 30:17

Is etew he ed-undaunda wey kenè din ebpemineǥen is menge ǥinikanan din ne edtuktukan te menge uwak is menge mata zin, ne edeesan te menge kulaǥu is minatey he lawa zin.

Ezekiel 39:4

ne egkezeetan ka ziyà te menge vuvungan te Israel ragkes is langun he menge sundaru nu wey is ebpemuun te menge nasyun he nekidsevaha kenikew. Ibpekaan ku sikiyu is ebpematey te nekedseselekawà he kelasi te zumezaas he menge tagbis, wey te mesipala he menge langgam.

Josue 10:26

Ne zutun mibpenhimetayan ni Josue sikan is lelima he hadì ne imbitey haazà diyà te lelima he kayu taman te mahapun.

Josue 8:29

Impevitey zin sikan is hadì diyà te kayu ne mibey-anan heini zutun taman te mahapun. Ne kedsanlep te andew impekuwa ni Josue haazà is minatey he hadì ne impetimbag din diyà te ǥawas te pultahan dutun te inged. Ne midtembuan dan heini te menge vatu, ne taman en guntaan kemulu egkaahà haazà is menge vatu.

1 Samuel 17:44

Ne migkaǥi sikandin te “Uvey ka kayi, su ibpekaan ku is lawa nu he minatey te menge tagbis wey memevurut he langgam!”

1 Samuel 17:46

Guntaan he andew, ibeǥey ka kedì te Nengazen; edhimetayan ku sikew ne edtempezen ku is lieg nu. Wey te heini he andew ibpekaan ku te menge tagbis wey memevurut he langgam is menge ebpematey he menge Filistihanen. Ne egketuenan te tivuuk he kelibutan he zuen Megbevayà te Israel.