Genesis 40:11 - Manobo Western Bukidnon OT

¹¹ Migewezan ku kun is tasa te hadì te Ehipto ne midrupù ku haazà is menge paras ne migkeres ku ne midtiǥis is wahig din diyà te tasa. Ne nepasad ne imbeǥey ku haazà is tasa ziyà te hadì.”

Genesis 40:11 ပူးပေါင်းရင်းမြစ်များ

Genesis 40:1

Mibpenlavey is timpu, is pengulu te pereuwit te vinu te hadì wey kes pengulu te mememaal te supas ne nekesalà diyà te kandin. Utew nepeuki te hadì haazà is dezuwa he menge upisyal zin.

Genesis 40:10

Ne tetelu is subpang duen te ǥawed. Ne mibpeneringsing ne mibpengevukad ne mibpemeǥas ne nengelutuan is beǥas din.

Genesis 40:12

Ne migkaǥi si Jose te, “Iyan heini kehuluǥan te teǥeinep nu: Sikan is tetelu he subpang ne iyan kehuluǥan din is tetelu he andew.

Genesis 40:21

Ne sikan is egalen te menge pereuwit te inumen, impelikù din te zaan he vaal zin ne iyan en maan sikandin eduwal te inumen diyà te hadì.

Genesis 49:11

Ne utew uuzaran is tanè nu; umbe minsan pa ke idtagkes nu is asnu ziyà te ǥawed he paras he utew merapung, ne kenè din pa egkeamin te edtabtab tenged te kehabet din. Ne minsan pa ke ibpemìpì nu pa is binu ne kenè pa heini egkaamin.

1 Hadì 10:5

henduen be te kenà sikandin ebpeketuu. Iring ded hein neehè din is menge keenen diyà te lemisahan te hadì, is kedumala te menge upisyal zin, is kebpenilbi te menge suluǥuen din he mekempet is menge yunipurmi zan, is menge tigsilbi te vinu zin, wey is menge pemuhat he edtutungen he impemuhat din diyà te valey te Nengazen.

2 Cronica 9:4

henduen be te kenà sikandin ebpeketuu. Iring ded hein neehè din is menge keenen diyà te lemisahan te hadì, is kedumala te menge upisyal zin, is kebpenilbi te menge suluǥuen din wey is menge tigsilbi te vinu zin he mekempet is menge yunipurmi zan, wey is menge pemuhat he edtutungen he impemuhat din diyà te valey te Nengazen.

Nehemias 1:11

Nengazen, pemineǥa nu is ampù ku te suluǥuen nu, wey is ampù te zuma he menge suluǥuen nu he igkelipey zan is kedtehuza kenikew. Pengelinteuwi nu he ituǥut te hadì is edhengyuen ku ziyà te kandin. Ne verakat he purungi e zin.” Dutun he timpu, iyan a edsilbi te vinu ziyà te hadì.

Erubasa 3:10

Ne emun ed-ul-ulahan nu heini, ne egkepeuluwan is budiga nu, ne edrepey te inumen is menge teleǥuey nu.

Leviticus 10:9

“Sikew wey is menge anak nu ne kenè kew ereg he edseled diyà te Tulda emun ebpekeinum kew te vinu etawa minsan hengkey he inumen he ebpekelangut. Emun ebeelan niw heini ne ebpatey kew. Kinahanglan he edtumanen niw heini taman te huziyan he lapis te menge kevuwazan.