Genesis 40:1 - Manobo Western Bukidnon OT

^1-2 Mibpenlavey is timpu, is pengulu te pereuwit te vinu te hadì wey kes pengulu te mememaal te supas ne nekesalà diyà te kandin. Utew nepeuki te hadì haazà is dezuwa he menge upisyal zin.

Genesis 40:1 ပူးပေါင်းရင်းမြစ်များ

Genesis 40:11

Migewezan ku kun is tasa te hadì te Ehipto ne midrupù ku haazà is menge paras ne migkeres ku ne midtiǥis is wahig din diyà te tasa. Ne nepasad ne imbeǥey ku haazà is tasa ziyà te hadì.”

Genesis 40:13

Dutun te kenè pa egkeuma is tetelu he andew, ne ibpeǥawas ke en te hadì kayi te pirisuwan, ne ibpelikù ke zin diyà te zaan he terebahu nu he iyan is ked-uwiti nu kandin te vinu.

Genesis 40:16

Hein nezineg duen te egalen te mememaal te supas he meupiya is kehuluǥan duen te teǥeinep, midtudtul zin daan is teǥeinep din diyà te ki Jose. Ke sikandin te, “Neketeǥeinep a zaan he zuen ku ed-utuken he tetelu he revan he nepenù te supas.

Genesis 40:5

Sevaha zutun he mezukilem, neketeǥeinep kes pereuwit te inumen wey mememaal te supas dutun te kemulu pa sikandan nepirisu. Uman sevaha kandan ne selakew is teǥeinep din wey selakew is kehuluǥan te teǥeinep din.

Genesis 41:9

Ne zutun mid-uvayan duen te egalen te pereuwit te vinu sikan is hadì te Ehipto he egkaǥi te, “Netenuzan ku ǥuntaan is menge salè ku.

Nehemias 1:11

Nengazen, pemineǥa nu is ampù ku te suluǥuen nu, wey is ampù te zuma he menge suluǥuen nu he igkelipey zan is kedtehuza kenikew. Pengelinteuwi nu he ituǥut te hadì is edhengyuen ku ziyà te kandin. Ne verakat he purungi e zin.” Dutun he timpu, iyan a edsilbi te vinu ziyà te hadì.

Ester 6:1

Dutun he kezukileman, kenà ebpekelipezeng si Hadì Ahasuerus, umbe insuǥù din he uwita ziyà te kandin wey vesaha sikan is libru he midsuratan te kaaǥi te kedhadì din wey ginhedian din.