Genesis 4:5 - Manobo Western Bukidnon OT

⁵ piru wazè din mulà dewata si Cain wey is kandin he impemuhat. Ne zutun utew nepauk si Cain ne mibmerembunut is dagwey zin.

Genesis 4:5 ပူးပေါင်းရင်းမြစ်များ

Genesis 31:2

Neǥezam ni Jacob he nahalin en is gehinawa ni Laban kandin kenà te nehuna.

Genesis 31:5

Migkeǥiyan din sikandan te, “Neǥezam ku he nahalin en is gehinawa zin kedì guntaan kenà te nehuna. Piru is Megbevayà te amey ku iyan edtavang kedì.

Genesis 39:19

Hein nezineg ni Potifar haazà is tudtul te esawa zin mehitenged ki Jose, utew sikandin nepauk.

Job 15:13

umbe utew nu nepeuki is Megbevayà ne nekaǥi nu heeyan is mezaat he menge lalag he ebpekesuǥat kandin?

Job 5:2

Is pauk wey kesina, edhimatey te tulebung he etew he wazè din ketau.

Salmo 20:3

Berakat he zewata zin is menge halad nu, iring te pemuhat he edtutungen.

Erubasa 19:3

Duen menge etew he edezeeten dan is keugelingen dan tenged te kedtinulebung dan, ne iyan ebesulan dan is Nengazen.

Erubasa 29:10

Is etew he utew egkesuat he ebunù, ne minsan is etew he ebpeninidtuwan edumutan din, ne edtinguhaan din te edhimatey.

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.

Isaias 3:9

Is dagwey zan midtistiǥus te ebpekesuǥat kandan. Utew keladu is kebaal zan te salà iring te mibeelan te menge tig-Sodom. Wazè dan heini ieles. Mekehizuhizu sikandan! Iyan dan mismu mid-uwit te kandan he kezeetan.

Numero 16:15

Ne utew nepauk si Moises ne ke sikandin diyà te Nengazen te, “Kenè nu zewata is menge pemuhat dan. Wazà a mekesalà diyà te minsan hentei kandan; wazà minsan sevaha he asnu he migkuwa ku ziyà te kandan.”

1 Samuel 16:7

Piru migkaǥi is Nengazen diyà te ki Samuel te, “Kenè nu iyan ahaa is dagwey wey is kelangkew. Is tutuu wazè ku sikandin pilia. Su is ed-ahaan ku ne kenà iring te ed-ahaan te etew. Su is etew iyan ed-ahaan din is dagwey, piru siak iyan ed-ahaan ku is gehinawa.”