Genesis 4:26 - Manobo Western Bukidnon OT

²⁶ Ne hein neuǥet, nevuwad daan si Set te maama ne migngezanan din ki Enosh. Iyan haazà timpu zengan he ebpuunan te menge etew is paaǥi te ked-azap he egemiten is ngazan te Nengazen dutun te kebpengumew-umew zan.

Genesis 4:26 ပူးပေါင်းရင်းမြစ်များ

Genesis 12:8

Ne midlaus pa ensi Abram pehendiyà te vuvungan he ziyà te zapit te edsilaan te inged he Betel ne zutun din ipehitindeg is tulda zin. Diyà te zapit din te edsenlepan is inged he Betel wey ziyà te zapit te edsilaan is inged he Ai. Ne zutun mid-uman si Abram mebaal te pemuhatà ne mibpengumew-umew zin is Nengazen.

Genesis 26:25

Umbe mibaal si Isaac dutun te pemuhatà ne mid-azap te Nengazen. Impehitindeg din dutun he lugar is tulda zin ne impevangbang din is menge suluǥuen din te kalut.

1 Hadì 18:24

Ne pengemuyù kew ziyà te keniyu he ed-ezapen he iyan medretem te hapuy, ne ebpengemuyù a zaan diyà te Nengazen. Ne sikan is edretem te hapuy ziyà te tavun, ne iyan tutuu he Megbevayà.” Ne nekeuyun dutun is menge etew.

Salmo 116:17

Ed-ezapen ku sikew ne edhalad a para te kebpeselamat kenikew.

Isaias 44:5

Duen egkaǥi te, ‘Gaked a te Nengazen,’ ne is duma egkaǥi te, ‘Kevuwazan a ni Jacob.’ Duen daan idsurat dan diyà te menge velad dan is ngazan te Nengazen, ne ed-isipen dan is keugelingen dan he ragkes sikandan te menge Israilihanen.

Isaias 48:1

“Pemineg kew is menge kevuwazan ni Jacob, he egngezanan te Israel, he ebpuun diyà te tribu ni Juda. Nenangdù kew pinaaǥi te ngazan te Nengazen, wey mid-umew niw is Megbevayà te Israel. Piru kenà heini ebpuun diyà te gehinawa niw, su kenè kew menge metazeng.

Isaias 63:19

Gaked key kenikew puun pa zengan. Piru henduen be te ed-isipen nu he kenè key kenikew ǥaked, ne henduen be te wazè key kenikew dumelaha.

Jeremias 33:16

Dutun daan he timpu egkelibri is menge tig-Juda ne ebpengungubpaan he melinawen is menge tig-Jerusalem. Is Jerusalem egngezanan te, ‘Nengazen is Mibeǥey Kenitew te Ketazeng.’ ”

Joel 2:32

Piru is minsan hentei he edangep diyà te Nengazen ne egkelibri te silut he edtelinguma. Su sumalà is migkaǥi te Nengazen, duen menge Israilihanen he egkesamà diyà te Jerusalem he migngezanan he Buvungan he Zion. Heini sikandan mibpilì te Nengazen he egkengelibri.

Zefanias 3:9

Ne zutun ebeg-uwen ku is menge etew su wey zan pudu medangep kayi te kedì ne egkesevaha zan is ebpenilbi kedì.