Genesis 4:2 - Manobo Western Bukidnon OT

² Ne mibmeǥingey en maan si Eva ne mid-anak sikandin te maama, ne mid-ngezanan din te Abel. Ne hein midekelà en si Abel, perevantey sikandin te menge kerehidu, ne si Cain, ne mibasuk mulà.

Genesis 4:2 ပူးပေါင်းရင်းမြစ်များ

Genesis 3:23

Ne tenged dutun midsegseg te Nengazen he Megbevayà sikan is menusiyà puun dutun te pemuleey he Eden, ne impevasuk din sikandin duen te tanà he zutun sikandin ebpuun.

Genesis 37:13

Ne zutun, migkeǥiyan ni Jacob si Jose te, “Is menge kakey nu ne ziyà te Shekem su ebpemepenabtab dan te menge uyaǥen tew.

Genesis 4:1

Ne zutun mid-uvayan ni Adan haazà is esawa zin he si Eva, ne mibmeǥingey sikandin ne mid-anak sikandin te maama, ne ke si Eva te, “Midtevangan a te Nengazen he mekeanak a, umbe egngezanan ku sikandin te Cain.”

Genesis 4:3

Ne neuma is andew he nemuhat si Cain diyà te Nengazen. Ne iyan impemuhat din is menge veǥas te menge pinemula zin.

Genesis 47:3

Ne mid-insaan sikandan dutun te hadì te, “Hengkey is terebahu niw?” Ne midtavak sikandan te, “Menge bekidu key te menge uyaǥen, iring te menge ginikanan dey.”

Genesis 9:20

Si Noe sevaha te menge te perevasuk, ne iyan sikandin nehuna he nekepemula te paras.

Salmo 127:3

Is menge anak beǥey wey gasa he ebpuun te Nengazen.

Exodus 3:1

Ne sevaha he andew, ebantey si Moises te menge uyaǥen te enuǥang din he si Jetro he memumuhat diyà te Midian. Ne midtundan ni Moises haazà is menge uyaǥen pehendiyà te hunaan te sibsivayan ne nekeuma zan diyà te Horeb, kes buntud te Megbevayà.

Amos 7:15

Piru migkeǥiyan a te Nengazen he ewai ku is terebahu ku he kebantey te kerehidu ne tudtula ku is menge lalag din diyà te keniyu te menge tig-Israel he menge etew zin.