Genesis 4:15 - Manobo Western Bukidnon OT

¹⁵ Ne midtavak kandin dutun is Nengazen te, “Kenà egkehimu su ebpengelinteuwan ku he ke zuen edhimatey kenikew, Cain, ne kepipitu ku edtekepa is keveǥat te silut ku kandin.” Ne zutun midtuusan si Cain te Nengazen ne zutun ke egkeuma sikandin te minsan hentei ne egkeehè dan haazà is tuus ne kenè dan edhimetayan.

Genesis 4:15 ပူးပေါင်းရင်းမြစ်များ

Genesis 4:24

Ne emun kepipitu egketakep is silut te edhimatey ki Cain, ne 77 is kegketakep is silut te edhimatey kediey.”

1 Hadì 16:7

Haazà is lalag te Nengazen he nekesuǥat diyà te ki Baasha wey te pemilya zin, migkaǥi te Nengazen pinaaǥi te ebpeneuven din he si Jehu he anak ni Hanani. Migkaǥi haazà te Nengazen tenged te langun he mezaat he menge vaal ni Baasha ziyà te etuvangan te Nengazen. Midhimu zin he mepauk is Nengazen tenged te menge vaal zin he iring te mibeelan te pemilya ni Jeroboam, wey tenged te kebpenhimetayi zin te tivuuk he pemilya ni Jeroboam.

Salmo 59:11

Piru hunaa nu sikandan resaya ne human nu himetayi su para kenà egkelipatan te menge etew ku is paaǥi nu te kedsilut te menge kuntada nu. He Nengazen he iyan layun ebpengalang kenami, tezina nu wey zèdeeti nu is menge kuntada ku pinaaǥi te ǥehem nu.

Salmo 79:12

Nengazen, kepipitu nu tekepa is penimales nu te uvey zey he menge nasyun te kebpeel-elezi zan kenikew.

Erubasa 6:31

Iyan, emun egkezekepan sikandin, ne ibpevayad sikandin te kepipitu edtekepa is bali zutun te midtakew zin, minsan pa ke pinaaǥi kayi egkeamin is langun he azen din.

Ezekiel 9:4

ne migkeǥiyan din te, “Liǥuya is Jerusalem ne merkahi nu is buked duen te ingkeseeng dan is utew mezaat he menge vaal he mibeelan diyà te seled te inged.”

Ezekiel 9:6

Penhimetayi niw is menge meǥurang, menge vetan-en he menge maama wey menge vahi, menge iney, menge vatà, piru kenè niw kevuta is duen dan menge marka. Diyè kew puun te valey ku.” Umbe midhuna zan penhimetayi is menge pengulu he ziyà te egkesineruwan duen te valey te Nengazen.

Hoseas 1:4

migkeǥiyan te Nengazen si Hoseas te, “Ngezani nu heeyan is batà te Jezreel, su kenè en egkeuǥet ne edsilutan ku is hadì te Israel tenged te kebpenhimatey te kepuun din he si Jehu ziyà te inged he Jezreel. Id-awè ku is ginhedian te Israel.

Leviticus 26:18

Ne emun kenè kew pa ebpemineg kediey, ne edsilutan ku sikiyu te kepipitu edtekepa.

Leviticus 26:21

Emun ebpedayun kew pa ǥihapun he edsupak kediey su kenè kew ebpemineg kediey, ed-umanan ku pa te kepipitu en maan egketakep he silut keniyu.

Leviticus 26:24

iyan a mismu egkuntra keniyu ne ebpurungan ku sikiyu edsiluti.

Leviticus 26:28

ne tenged te pauk ku egkuntrahan ku sikiyu ne edsilutan ku sikiyu te pitu pa maan he takep.