Genesis 4:14 - Manobo Western Bukidnon OT

¹⁴ Midsegseg a kenikew kayi he tanà wey nekepekeziyù ad kenikew. Ne wazè en egketendù he egkeubpaan ku, umbe ebpekeriǥuriǥu a zini te lumpad. Ne egkehimu he edhimetayan a te minsan hentei he egkeuma ku.”

Genesis 4:14 ပူးပေါင်းရင်းမြစ်များ

Genesis 3:24

Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.

Genesis 4:13

Ne zutun migkaǥi si Cain diyà te Nengazen te, “Utew meveǥat is silut nu kediey. Kenè ku egkaantus.

2 Samuel 14:7

Ne zutun nemenhendiyà is langun he menge kezuzumahi ku he egkaǥi te, ‘Iveǥey nu kenami heeyan is anak nu, su edhimetayan dey sikandin su midhimetayan din is suled din. Kenà engayan sikandin he ebpengevilin te ketiǥeyunan te amey zin.’ Emun ebeelan dan heini, egkaawà kayi te kedì is nesamà he anak ku he iyan dà edseriǥan ku he ebpekeuǥup kedì, wey egketazin en is ngazan te esawa ku kayi te kelibutan.”

Salmo 109:10

Berakat he mekeriǥuriǥu is menge anak din te kebpekilimus, wey verakat he segseǥa sikandan puun te egkeregdas en he ubpeey zan.

Salmo 109:12

Ne emun ebpatey en sikandin ne verakat he wazà mehizu kandin wey te egkeilu he menge anak din.

Salmo 143:7

Segugunà a tevaka, Nengazen. Naawè en is perateng ku. Kenà a kenikew elesi su kela ke ibpatey ku.

Erubasa 14:32

Edezeetan te Megbevayà is menge mekesesalà tenged te mezat he ulaula zan, piru ebpengelangan din is metazeng minsan ke ebpatey, ne zuen din mulà egkeeputan.

Erubasa 28:1

Is etew he lalung tekew en ebpelaǥuy minsan wazà edal-as kandin; iyan, is etew he metazeng iring te erimaung su mevurut mulà sikandin.

Isaias 8:22

etawa edtengteng dan diyà te tanà, wazè duma he egkeehè dan, kekenà, iyan dà is kelised wey kerusireman. Ne ziyè dan ed-uwita te mekahandek-handek he kerusireman.

Jeremias 52:3

Umbe, hein neuǥet impaawà te Nengazen diyà te lugar zan is menge tig-Jerusalem wey menge tig-Juda wey mekepekeziyù kandin. Neulaula heini ziyà te kandan tenged te kegkepeuki te Nengazen kandan. Ne nekidsukulà si Zedekia te hadì te Babilonia.

Hoseas 13:3

Umbe, egkahanew kew iring te edsaǥad he virisbiris etawa zehemug emun meselem, etawa iring te ukap diyà te ǥunasà he idlayap te keramag etawa evel he egawas diyà te peǥewasà duen.

Leviticus 26:17

Egkuntedahan ku sikiyu para mezaag kew te menge kuntada niw ne iyan sikandan edumala keniyu. Tenged te kegketeranta niw ne ebpelaǥuy kew minsan wazà edal-as keniyu.

Leviticus 26:36

Sikiyu is egkengesamà te tebek he ed-uwiten te menge kuntada niw ziyà te kandan he menge lugar, edterenteduwen ku, ne minsan daǥing dà te menge zahun he egkeremaǥen ebpemelaǥuy kew en he henduen be te edel-asen te edhimatey keniyu, minsan wazà edal-as keniyu. Ne ebpekedsusukung kew is egkengepiley. Umbe kenè kew ebpekesukul te menge kuntada niw.

Numero 35:19

Is megeget he kezuzumahi te nepatey iyan duen din ketenged te kedhimatey zuen te nekepatey. Himetayi zin heini emun egkeehè din.

Numero 35:21

etawa kedsumbag, ne ed-isipen he meveǥat is salà te mibaal kayi, ne kinahanglan he edhimetayan sikandin. Is megeget he kezuzumahi zutun te nepatey iyan duen din ketenged te kedhimatey zuen te nekepatey. Himetayi zin heini emun egkeehè din.

Numero 35:27

ne egkaahà duen te etew he egkesuat he ebales kandin, ne egkehimu ke edhimetayan sikandin dutun te etew. Ne heini is etew he mibales wazè din televaken.

Deuteronomio 28:64

“Ibpeyapat kew te Nengazen diyà te langun he menge nasyun kayi te kelibutan, puun te kinekilizan pehendiyà te kinekilizan. Ne zutun he menge nasyun ed-azap kew te zuma he menge ed-ezapen he vineelan he ebpuun te kayu wey vatu, he wazà hanew niw zuen wey te menge kepuun niw.

Deuteronomio 28:65

Wazè niw zutun kelinew wey lugar he egkehimelayan. Edteǥuan kew te Nengazen te handek ne egkaawa is perateng niw, ne layun kew zà egkeseeng.