Genesis 4:1 - Manobo Western Bukidnon OT

¹ Ne zutun mid-uvayan ni Adan haazà is esawa zin he si Eva, ne mibmeǥingey sikandin ne mid-anak sikandin te maama, ne ke si Eva te, “Midtevangan a te Nengazen he mekeanak a, umbe egngezanan ku sikandin te Cain.”

Genesis 4:1 ပူးပေါင်းရင်းမြစ်များ

Genesis 3:15

Edhimuwen ku he kuntada nu haazà is bahi, ne ebpekigkuntada zaan is kevuwazan din te kevuwazan nu. Edrupeten din is ulu nu ne edkeǥaten nu is palu zin.”

Genesis 3:24

Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.

Genesis 4:2

Ne mibmeǥingey en maan si Eva ne mid-anak sikandin te maama, ne mid-ngezanan din te Abel. Ne hein midekelà en si Abel, perevantey sikandin te menge kerehidu, ne si Cain, ne mibasuk mulà.

Genesis 4:25

Ne mid-umanan ni Adan uvayi is esawa zin he si Eva, ne mid-anak te maama, ne migngezanan din ki Set, he ke và dà egkeǥiya, imbeǥey, su ke sikandin te, “Mibeǥayan a te Megbevayà te anak he ilis ki Abel.” Umbe iyan heini mid-ulaula te Megbevayà su mibunù ni Cain si Abel.

Genesis 5:29

Ne migngezanan din ki Noe su ke sikandin te, “Pinaaǥi kayi te vatà malù ebmahagkap is meveǥat he terebahu tew te kebasuk he imbeǥey kenitew tenged te midrewakan dengan te Nengazen is tanà.”

Salmo 127:3

Is menge anak beǥey wey gasa he ebpuun te Nengazen.

Numero 31:17

Umbe, geraa niw is langun he menge vatà he maama wey is langun he menge vahi he nehilevetan en te maama.