Genesis 39:23 - Manobo Western Bukidnon OT

²³ Haazà is egalen te pirisuwan, wazè en igkesemuki zin duen te langun he insarig din ki Jose su midtuvazan man si Jose te Nengazen ne mibpengelinteuwan din he layun meupiya is minsan hengkey he ebeelan ni Jose.

Genesis 39:23 ပူးပေါင်းရင်းမြစ်များ

Genesis 39:20

Ne tenged dutun, impezakep din si Jose ne inseled duen te pirisuan te menge pirisu te hadì. Piru minsan pa te ziyà si Jose te pirisuwan,

Genesis 39:8

Ne si Jose, wazè din pemineǥa, kekenà, migkeǥiyan din te, “Sikan is egalen ku, wazà igkesamuk din he minsan hengkey tenged te insarig din kediey is langun he menge azen din.

Salmo 1:3

Iring sikandin te kayu he ziyà ipemula te veyvey te wahig ne ebpemeǥas sikandin dutun te timpu te tipemeǥas, ne kenà egkeǥangu is menge zahun din. Is etew he iring kayi, ed-uswag diyà te menge vaal zin.

Isaias 43:2

Emun ebayè ka ziyà te wahig, ne eduma a kenikew. Emun edlayun ka ziyà te zezekelà he menge wahig he edtudà ne kenè ka egkelened. Emun ebayè ka ziyà te hapuy, ne kenè ka egketutung; is regreg kayi ne kenà ebpekemenu kenikew.

Daniel 6:22

Wazà a menuwa te menge erimaung su midsuǥù te Megbevayè ku is menge velinsuǥuen din, ne midsabpeng dan is bèbà te menge erimaung. Mibeelan heini te Megbevayà su netuenan din he lumpiyu a wey wazà mezaat he neveelan ku ziyà te kenikew.”

1 Samuel 2:30

Dengan, siak is Nengazen niw he Megbevayà te Israel, midsaad a he iyan kew zà menge memumuhat he ebpekepenilbi kedì te taman te taman duma te zuma pa he menge kevuwazan te kepuun niw. Piru kenè en heeyan edtumanen guntaan, su iyan ebeǥayan ku te zengeg is edtahud kedì ne edrewakan ku mulà is mibpendezeisey kedì.