Genesis 39:14 - Manobo Western Bukidnon OT

¹⁴ ne mid-umew zin is menge suluǥuen din, he egkaǥi te, “Ahaa niw man heini! Mid-uwitan kiw kayi te esawa ku te Hebriyuhanen para mepeel-elezi kiw. Kunaan niw vuwa, midseled sikandin kayi te ruǥu ku su edleyuǥen e zin, piru nengulahì a.

Genesis 39:14 ပူးပေါင်းရင်းမြစ်များ

Genesis 10:21

Si Shem ne kakey ni Jafet he iyan kepuun te langun he menge kevuwazan ni Eber.

Genesis 14:13

Duen sevaha he tig-Sodom he nekepelaǥuy, ne midhendiyà sikandin te Hebriyuhanen he si Abram ne impenudtul zin haazà is langun he neulaula. Dutun he timpu, ziyà si Abram med-ubpà te uvey te menge kayu he ulayan ni Mamre te Amorihanen. Heini si Mamre wey is menge suled din he si Iskul wey si Aner ne neupakat sikandan engki Abram.

Genesis 39:13

Hein naahà duen te vahi he migawas si Jose ne neǥewezan din is bisti ni Jose,

Genesis 39:15

Ne tenged dutun, mibpelaǥuy sikandin diyà te gawas, piru netaǥak din is samput din.”

Genesis 39:17

Ne midtudtul zin haazà diyà te esawa zin. Ke sikandin te, “Kes Hebriyuhanen he uripen nu he mid-uwit nu zini, egkesuatan din he mepeel-elezi a su midseled geina kayi te ruǥu ku su edleyuǥen e zin.

Genesis 39:7

Ne wazà meuǥet, neimahan sikandin te esawa te egalen din. Ne midhinggat din si Jose he ebpehulizè dan.

Genesis 40:15

Migebpaan a puun te inged dey te menge Hebriyuhanen, ne wazà salè ku he zait he igkepirisuwa kedì.”

Salmo 120:3

Sikiyu is menge limbungan, hengkey vuwa is idsilut te Megbevayà keniyu?

Salmo 35:11

Is mesipala he menge etew ebpenistiǥus kuntra kedì. Ed-uluǥan a zan te kewsa.

Salmo 55:3

Egkeǥiyaǥiya a te kebpenhulgà wey kebpendaagdaag te lalung he menge kuntada ku. Su edsinemukan e zan wey edumutan tenged te kegkepeuki zan kedì.

Erubasa 10:18

Teruen is etew he id-eles din is kegkepauk din, ne tulebung is etew he pereituk.

Isaias 51:7

Pemineg kew kediey is nengesayud ke hengkey is hustu wey edtuman te kesuǥuan ku! Kenè kew mahandek te kedsudì wey ked-eled-eled te menge etew keniyu.

Isaias 54:17

Is kada ǥumaan he mibeelan su igkuntra kenikew ne kenà ebpekekaid kenikew, ne egketavak nu is menge ibpesangil kenikew. Is egkepengevilin te menge suluǥuen ku, iyan is kezeeǥan duma is ketazeng. Iyan a, is Nengazen, is migkaǥi kayi.”

Ezekiel 22:5

Sikew is inged, nevantug ka te kelelalung wey kesamuk, edsudien ka te menge nasyun he ziyà te uvey wey meziyù.