Genesis 39:10 - Manobo Western Bukidnon OT

¹⁰ Ne minsan pa te andew-andew is kedhinggata zuen te vahi ki Jose he ebpehulid, wazà si Jose mebpemineg.

Genesis 39:10 ပူးပေါင်းရင်းမြစ်များ

Genesis 39:11

Sevaha zutun he andew, midseled si Jose ziyà te valey su zuen din ebeelan, ne wazà dutun is menge zuma zin he menge suluǥuen.

Genesis 39:8

Ne si Jose, wazè din pemineǥa, kekenà, migkeǥiyan din te, “Sikan is egalen ku, wazà igkesamuk din he minsan hengkey tenged te insarig din kediey is langun he menge azen din.

Genesis 39:9

Henduen be te nekedrepeng key kayi te valey, su insarig din is langun kediey kayi ǥawas kenikew su esawa ke zin man. Kenà egkehimu he edlimbungan ku is egalen ku wey ebaal a te salà diyà te Megbevayà.”

Erubasa 1:15

Mama, kenè ka zuma te menge etew he iring dutun, kekenà, likayi nu sikandan.

Erubasa 2:16

Pinaaǥi te ketau, ebpekelikey ka wey ka kenà metintal emun edtintalen ka te vahi he edsalàsalà pinaaǥi te menge lalag he ebpeketintal.

Erubasa 22:14

Is kegkaǥikaǥi te vahi he lebag ne ebpeketintal, iring te mezalem he vudsi, ne heini he vudsi ne egkeulug kayi is egkeepesan te Nengazen.

Erubasa 23:27

Is bahi he ebelegyà te zengeg din, ne ebpekezezaat kenikew. Iring heini te mezalem he vitu wey meliǥet he vudsi.

Erubasa 23:28

Iring sikandin te tulisan he edtaǥad te egkebiktima zin, ne iyan sikandin hinungdan te kedlseselai te menge maama te menge esawa zan.

Erubasa 5:3

Is lalag te vahi he mengungumpadi meemis pa te teneb, ne is kegkaǥi zin ebpekevihag iring te idhamham he lana te ulibu.

Erubasa 5:8

Likayi niw is bahi he mengungumpadi, minsan is ked-uvey zà diyà te ǥemawan te valey zin ne kenè niw ul-ulaha.

Erubasa 7:13

Migkepkepan din sikan is maama, ne midhezekan din. Ne wazè en sikandin menawànawà is egkaǥi te,

Erubasa 7:5

Tenged kayi egkelikayan nu is bahi he edsalàsalà te esawa zin, wey te mekevivihag he menge lalag dan.

Erubasa 9:14

Ebpimpinuu sikandin diyà te ǥemawan te valey zin, diyà te vangkù diyà te metikang he menge lugar zutun te inged.

Erubasa 9:16

Ke sikandin te, “Sikiyu is wazè din pereg wey kedsavut, hendini kew.”