Genesis 38:9 - Manobo Western Bukidnon OT

⁹ Netuenan ni Onan he is egkehimu he anak dan ki Tamar ne kenà heini ed-isipen he keugelingen din he kevuwazan. Umbe kada zin edhileveti si Tamar ne kenè din ibpeseled is similya zin su para kenà sikandin mekaanak para zuen te minatey he suled din.

Genesis 38:9 ပူးပေါင်းရင်းမြစ်များ

Genesis 38:10

Ne mezaat diyà te etuvangan te Nengazen haazà is mibeelan ni Onan, umbe midhimetayan din si Onan.

Job 5:2

Is pauk wey kesina, edhimatey te tulebung he etew he wazè din ketau.

Erubasa 27:4

Ebpekezezaat is pauk wey rerangit, iyan, edhuna pa is kebpengelikud.

Deuteronomio 25:5

“Is telesuled he maama he ed-ubpà diyà te sevaha zà he tanà, emun minatey is sevaha kandan he wazè din anak, is esawa zin kenà ereg he ebpeesawa te zuma he kenà sakup te pemilya te esawa zin. Is suled te esawa zin ne iyan ereg he ed-esawa kandin. Ne ketengdanan heini te ipag din diyà te kandin.

Deuteronomio 25:6

Ne is kinekekayan he anak dan ne ed-isipen he anak duen te minatey he suled dutun te maama su para kenà maawà is ngazan din diyà te Israel.

Ruth 1:11

Ne migkaǥi zutun si Naomi te, “Ulì kew en diyà te keniyu, menge ambey. Maan is eduma kew pa kedì? Ed-isipen niw pe be he egkeesawa e pa ne ebpekeanak te maama he ebpekeesawa keniyu? Kenè en egkehimu su meritan e en. Piru penenglitan ke egkeesawa a ǥuntaan te mezukilem ne ebpekaanak e pa,

Ruth 4:10

Ed-esewaan ku en daan si Ruth, is tig-Moab, sikan is esawa ni Mahlon. Pinaaǥi kayi kemulu pa egkaǥaked te pemilya te minatey haazà is tanà. Ne pinaaǥi kayi zaan duen pa menge kevuwazan din he zuma te menge kezuzumahi zin wey zini te inged din. Ebpekepenistiǥus kew en kayi ǥuntaan.”