Genesis 38:5 - Manobo Western Bukidnon OT

⁵ Ne mid-uman en maan sikandin mebmeǥingey ne mid-anak en maan te maama ne migngezanan din haazà te Shela. In-anak si Shela ziyà te Kezib.

Genesis 38:5 ပူးပေါင်းရင်းမြစ်များ

Genesis 38:11

Ne migkeǥiyan ni Juda haazà is ambey zin he si Tamar te, “Ulì ka zèpa ziyà te amey nu, ne kenè ka mebpeesawa taman te egkenakan en si Shela.” Migkaǥi haazà ni Juda su nahandek sikandin he kela ke mebpatey zaan si Shela iring duen te menge suled din. Umbe mid-ulì dèpa si Tamar ziyà te amey zin.

Genesis 38:26

Nekilala ni Juda he kandin haazà he menge azen, umbe migkaǥi sikandin te, “Wazà mekesalà si Tamar. Iyan a nekesalà su wazè ku sikandin ipeesawa te anak ku he si Shela.” Ne wazè en si Juda med-uman medhilavet ki Tamar.

Genesis 38:6

Impeesawa ni Juda is kinekekayan he anak din he si Er te vahi he iyan ngazan din si Tamar.

Genesis 46:12

Is menge anak he maama ni Juda ne iyan si Er, si Onan, si Shela, si Perez, wey si Zera (piru si Er wey si Onan, diyè dan dà mebpatey te Canaan), ne zuen menge anak ni Perez he si Hezron wey si Hamul.

1 Cronica 2:3

Duen tetelu he anak ni Juda he menge maama ziyà te esawa zin he si Batshua he Canaanhen. Si Er, Oran, wey si Shela. Si Er, ne iyan kinekekayan. Kenà meupiya is ulaula zin diyà te etuvangan te Nengazen, umbe midhimetayan sikandin te Nengazen.

1 Cronica 4:21

Iyan heini menge kevuwazan ni Shela he anak ni Juda: si Er (he amey ni Leca), si Laada (he amey ni Maresha), wey menge pemilya te menge tighavel te linu ziyà te Bet Ashbea.

Numero 26:19

Si Juda zuen din dezuwa he anak he maama he iyan si Er wey si Onan, he minatey ziyà te tanà he Canaan. Piru zuen gihapun menge kevuwazan ni Juda he iyan is menge pemilya eni Shela, Perez, wey Zera.