Genesis 38:24 - Manobo Western Bukidnon OT

²⁴ Hein midlavey en is tetelu he vulan, netudtulan si Juda he is ambey zin he si Tamar ebpemelegyà te zengeg din ne mibmeǥingey en. Umbe migkaǥi si Juda te, “Uwita niw sikandin diyà te ǥawas te inged ne binsuli niw.”

Genesis 38:24 ပူးပေါင်းရင်းမြစ်များ

Genesis 20:3

Sevaha zutun he mezukilem, mibpeteǥeinep is Nengazen ki Abimelec he egkaǥi te, “Ebpengelinteuwan ku he mebpatey ka, su haazà is bahi he migkuwa nu, duen din en esawa.”

Genesis 20:7

Kinahanglan he ilikù nu sikandin diyà te ki Abraham, su ebpeneuven sikandin, ne id-ampù ke zin su wey ka kenà mebpatey. Piru emun kenè nu id-ulì, ebpetizeenan ku sikew he kenè en ebperis ne ebpatey ke en iyan ragkes is langun he menge sakup nu.”

Genesis 20:9

Ne zutun mid-umew ni Abimelec si Abraham ne mid-insaan din te, “Hengkey ves heini is mid-ulaula nu kenami? Hengkey is salè ku kenikew he iyan inhimuwa nu he mekesalà a wey is tivuuk he ginhedian ku? Kenà hustu heini is mid-ulaula nu.”

Genesis 34:31

Piru midtavak haazà is dezuwa he anak din te, “Idtuǥut dey ve he ebpesipelahan is etevey zey su id-iring te vahi he ebelegyà te zengeg din?”

Genesis 38:23

Migkaǥi si Juda te, “Ebey-anan en sikan is menge azen ku he ziyà te kandin, su kela ke và ki zà eengiti te menge etew is edtulung ebpen-ahà te wazà duen. Mibpeuwitan ku en man pezem sikandin te kambing piru wazè nu sikandin meturedu ziyà.”

2 Samuel 12:5

Utew nepeuki ni David haazà is etew he sepian ne migkaǥi sikandin diyà te ki Natan te, “Idsaad ku ziyà te uuyag he Nengazen he engayan he edhimetayan is etew he mibaal zutun.

2 Samuel 12:7

Ne migkeǥiyan ni Natan si David te, “Iyan ka haazà! Iyan heini lalag te Nengazen he Megbevayà te Israel: ‘Mibpilì ku sikew he hadì te Israel ne midlibri ku sikew ziyà te ki Saul.

Megwewali 7:26

Nesusi ku he is meungangen he vahi ne mepait pa te kemetayen. Is arig din ne iring te litag, wey is menge velad din he igkepkep din kenikew ne iring te kedina. Ebpekelikey kandin is ebpenunuat te Megbevayà, iyan, egkelitag din mulà is mekesesalà.

Jeremias 2:20

“Hein menge uripen kew pa, iring kew te vaka he mid-eyuǥuwan wey pinirisu he migkedinahan, piru hein midlibri ku en sikiyu, kenè kew ebpenilbi kedì. Mid-azap kew hinuun te zuma he menge ed-ezapen diyà te kada metikang he vuvungan wey ziyà te sihung te kada merapung he kayu. Iring kew te vahi he ebelegyà te zengeg din.

Jeremias 3:1

“Emun edsuwayan te maama is esawa zin ne mibpeuman mebpeesawa, ne kenè din en haazà ed-umanan ed-esewaa su utew heini ebpekeremerik te tivuuk he tanà. Piru sikiyu is menge Israilihanen nengungubpaan kew he iring te vahi he ebelegyà te zengeg din. Mahabet is menge ed-ezapen he mibmahal niw. Piru minsan pa te iyan haazà, mid-umew ku pa ǥihapun sikiyu te kedlikù kayi te kedì. Iyan a, is Nengazen, is migkaǥi kayi.

Jeremias 3:6

Dutun te timpu te kedhadì ni Josia migkaǥi is Nengazen kayi te kedì te, “Neehè nu ve is mibeelan te kenà menge metinumanen he menge Israilihanen? Mid-azap dan is duma he menge ed-ezapen diyà te kada metikang he vuntud wey ziyà te sihung te kada merapung he kayu. Iring sikandan te vahi he ebelegyà te zengeg din.

Jeremias 3:8

Midsuwayan ku is Israel ne midsegseg ku tenged te kebpekimaama zin. Piru minsan pa te iyan heini wazà mehandek is meluiven he suled din he iyan is Juda.

Ezekiel 16:15

“ ‘Piru midsarig ka te kempet nu, ne migamit nu he puhunan is bentuǥan nu zutun ke kebpelelevag nu. Imbeǥey nu is keugelingen nu ziyà te minsan hentei he maama he edsaǥad, ne mibpurungan ke zan pemulpulusi.

Ezekiel 16:25

wey ziyà te kada suyuk te menge zalan. Ne zutun midremerikan nu is kekempet nu, ne imbeǥey nu is keugelingen nu ziyà te minsan hentei he maama he edsaǥad. Kada andew ed-iseg is kebpelelevag nu.

Ezekiel 16:26

Mibpelelevag ke pa ziyà te menge Ehiptohanen he siringan nu he utew zaan lebag. Utew ku ingkepauk is kenè nu ked-engked te kebpelelevag.

Ezekiel 16:28

“ ‘Mibpelelevag ke zaan diyà te menge tig-Asiria su wazè ke pa meperahi. Ne hein nepasad haazà wazè ke pa iyan meperahi.

Ezekiel 16:41

Ebinsulan dan is menge valey nu ne edsilutan ke zan diyà te etuvangan te mezakel he menge vahi. Ebpeengkezan ku kenikew is kebpelelevag nu wey is kebayad nu ziyà te menge kumpadi nu.

Ezekiel 23:19

Piru minsan pa te iyan haazà, nasì en med-iseg is kebpelelevag din, mibpedayun sikandin te kebelegyà te zengeg din iring te mibeelan din diyà te Ehipto hein betan-en pa sikandin.

Ezekiel 23:44

Ne ebeelan dan iyan heini. Nekidhilavet sikandan ki Ohola wey ki Oholiba, he iyan kes dezuwa he meremerik he vahi he ebelegyà te zengeg dan.

Ezekiel 23:5

“Minsan esawa ku en si Ohola, mibpedayun gihapun sikandin mebelegyà te zengeg din, ne edteltelukunan din en is menge kumpadi zin he menge tig-Asiria he siringan din.

Hoseas 3:3

Ne migkeǥiyan ku sikandin te, “Ubpè ka zuma kediey seled te meluǥayad he timpu. Ne kenè ke en pekidhulid te sengememaama. Minsan pa te kenà a zep-a ebpekidhulid kenikew.”

Hoseas 4:15

“Menge tig-Israel, minsan mid-iniyuǥan a keniyu he iring kew te vahi he nengumpadi, ne kenè niw uwit-uwita is menge tig-Juda. “Ne sikiyu is menge tig-Juda, kenè kew medhendiyà te Gilgal wey Bet Aven te ked-azap kediey etawa kebpenaad pinaaǥi te ngazan ku.

Leviticus 20:10

Emun ebpekidhilavet is maama te esawa te zuma, ne sikandin wey kes bahi kinahanglan he edhimetayan.

Leviticus 21:9

Emun duen niw anak he vahi he ebpeelimungew keniyu tenged te kebelegyè din te zengeg din, ne tenged dutun ed-isipen sikandin he meremerik, kinahanglan he ebinsulan sikandin.

Deuteronomio 24:16

“Is menge ǥinikanan, kenà ereg he edhimetayan tenged te salà te menge anak dan etawa is menge anak tenged te salà te menge ginikanan dan; is kada sevaha edhimetayan tenged te keugelingen din he salà.

Zatù 19:2

Iyan, midluib kandin haazà is esawa zin, ne mid-ulì diyà te valey te ginikanan din diyà te Betlehem, ne zutun sikandin seled te heepat he vulan.