Genesis 38:2 - Manobo Western Bukidnon OT

² Ne zutun nekilala ni Juda is anak ni Shua he tig-Canaan ne mid-esawa zin haazà.

Genesis 38:2 ပူးပေါင်းရင်းမြစ်များ

Genesis 28:1

Ne mid-umew zutun ni Isaac si Jacob, ne mibpenubtuvazan din, wey migkeǥiyan din te, “Kenè ka limbe pengesawa te vahi he tig-Canaan.

Genesis 3:6

Ne hein nesavut te vahi he metaam bes he egkeenen haazà is beǥas te kayu, wey meupiya zaan he ed-ahaan wey nesavut din daan he utew haazà egkinehenglana su wey zan mehimu he utew metau, ne midrupù sikandin dutun ne migkaan din. Ne mibeǥayan din daan is esawa zin he zuma zin daan dutun ne migkaan daan sikandin.

Genesis 34:2

Naahà sikandin ni Shekem he anak ni Hamor he Hivihanen, he pengulu zengan dutun he lugar. Mid-eǥen din si Dina ne midlayug din.

Genesis 46:12

Is menge anak he maama ni Juda ne iyan si Er, si Onan, si Shela, si Perez, wey si Zera (piru si Er wey si Onan, diyè dan dà mebpatey te Canaan), ne zuen menge anak ni Perez he si Hezron wey si Hamul.

Genesis 6:2

Naahà duen te menge anak te Megbevayà he memekempet is menge vahi he anak te menge etew, ne mid-esawa zan dutun is menge vahi sumalà is egkesuatan dan.

Genesis 6:4

Ne zutun he timpu hein neked-esawa is menge anak te Megbevayà wey is menge vahi he anak te etew, pinaaǥi zutun duen in-anak dini te tanà he menge etew he egngezanan te Nefilim. Ne haazà is menge Nefilim, ne utew menge ǥemhanan he etew ne utew zan nengevantug dengan.

2 Samuel 11:2

Hein sevaha he mahapun dutun te meǥaan en edsanlep is andew, mid-enew si David ne midhiphipanew zuen te patag he atep te turuǥan din. Dutun te ebpememantew sikandin, neehè din diyà te zizalem is utew metaid he vahi he ebpemeziǥù.

1 Cronica 2:3

Duen tetelu he anak ni Juda he menge maama ziyà te esawa zin he si Batshua he Canaanhen. Si Er, Oran, wey si Shela. Si Er, ne iyan kinekekayan. Kenà meupiya is ulaula zin diyà te etuvangan te Nengazen, umbe midhimetayan sikandin te Nengazen.

Numero 26:19

Si Juda zuen din dezuwa he anak he maama he iyan si Er wey si Onan, he minatey ziyà te tanà he Canaan. Piru zuen gihapun menge kevuwazan ni Juda he iyan is menge pemilya eni Shela, Perez, wey Zera.

Zatù 14:2

Ne hein mid-ulì sikandin, midtudtulan din is menge ginikanan din. Ke sikandin te, “Duen neehè ku he vahi ziyà te Timnah he Filistihanen. Ipeesawa niw sikandin kedì.”

Zatù 16:1

Duen timpu he midhendiyà si Samson te Gaza he sevaha he inged te menge Filistihanen. Ne zuen dutun neehè din he vahi he ebelegyà te zengeg din, ne midhulizan din haazà is bahi.