Genesis 37:4 - Manobo Western Bukidnon OT

⁴ Ne hein nesavut te menge kakey ni Jose he mibmahal si Jose te amey zan, kenà sikandan, nepeukan dan si Jose ne layun en memesakit he lalag dan emun ebpekidlalag dan kandin.

Genesis 37:4 ပူးပေါင်းရင်းမြစ်များ

Genesis 27:41

Ne midumutan ni Esau si Jacob tenged te kebpenubtuvazi ki Jacob te amey zin. Nekekaǥi si Esau ziyà te ǥehinawa zin te, “Kenè en utew egkeuǥet ne ebpatey si amà; emun ebpatey en sikandin, edhimetayan ku si Jacob.”

Genesis 37:11

Ne utew neepesi si Jose te menge suled din, piru si Jacob mulà mid-isip-isip din heini he menge hitavù.

Genesis 37:5

Sevaha he kezukileman neketeǥeinep si Jose. Hein midtudtul zin haazà is teǥeinep din diyà te menge kakey zin, ne mid-iseg is kegkepeuki zan kandin.

Genesis 4:5

piru wazè din mulà dewata si Cain wey is kandin he impemuhat. Ne zutun utew nepauk si Cain ne mibmerembunut is dagwey zin.

Genesis 49:23

Edumutan ka te menge mememanà. Ne ebpenaan ke zan tenged te kegkeuringer zan,

Salmo 38:19

Melig-en wey mahabet is menge kuntada ku. Egkeepesan e zan minsan te wazà hustu he hinungdan.

Salmo 69:4

Utew mahabet is edumut wey egkesuat he edhimatey kedì te wazà hustu he hinungdan. Iyan erubasa ku he edhuna pa sikandan he mezakel te vulvul ku. Ed-uluǥan e zan te kewusa ne idteǥel zan ibpeulì kedì is menge vutang he wazè ku tekawa.

Jeremias 12:6

Minsan is menge suled nu he maama, he sakup pezem te pemilya nu, ne midluib kenikew. Mezaat is pelanu zan diyà te kenikew. Kenè ka sarig kandan minsan meupiya pa is egkeǥiyen dan diyà te kenikew.

1 Samuel 17:28

Dutun te kegkezineǥa ni Eliab, he kinekekayan he suled ni David te nekidlalag sikandin te menge etew, nepauk sikandin. Migkeǥiyan din si David te, “Maan is midhengkayi ka? Hentei is impevantey nu te menge kerehidu tew ziyà te sibsivayan he pira zà he leǥas? Utew ka mepedeligen. Mezaat is ulaula nu! Midhengkayi ke zà wey ka mekaahà te tebek.”