Genesis 37:25 - Manobo Western Bukidnon OT

²⁵ Ne te egkaan sikandan, ne zuen dan nepantew he ebpemelingguma he nigusyanti he menge Ismailihanen he ebpuun diyà te Gilead. Duen menge kemilyu zan he migkergahan dan te menge penaket, bawì, wey menge perehemut he ed-uwiten dan diyà te Ehipto.

Genesis 37:25 ပူးပေါင်းရင်းမြစ်များ

Genesis 31:21

Ne zutun te kegenat eni Jacob, mid-uwit din is langun he keleglaǥan din. Midrapas dan te Wahig he Eufrates ne ziyè dan medtandang te menge vuvungan te Gilead.

Genesis 31:23

Ne zutun midtiǥum din is menge kezuzumahi zin ne midal-as dan. Ne hein ikepitu en he andew te kedal-as dan, ne neseutan dan si Jacob diyà te menge vuvungan te Gilead.

Genesis 37:24

ne intimbag dan sikandin diyà te vudsi he punduwà te wahig. Ne haazà is budsi ne wazè din taǥù he wahig.

Genesis 37:28

Hein midsaǥad haazà is menge nigusyanti he tig-Midian, mibatun dan si Jose puun dutun te vudsi, ne imbelegyè dan sikandin te 20 he vuuk he pelata. Ne mid-uwit dan si Jose ziyà te Ehipto.

Genesis 37:36

Ne mid-uwit si Jose te menge Midianhen diyà te Ehipto ne imbelegyè dan sikandin diyà te ki Potifar he sevaha he upisyal te hadì te Ehipto, he kepitan te menge vantey te turuǥan.

Genesis 39:1

Hein mid-uwit en duen te menge Ismailihanen si Jose ziyà te Ehipto, imbelegyà sikandin diyà te ki Potifar he sevaha te menge upisyal te hadì te Ehipto he kepitan te menge vantey te turuǥan.

Genesis 43:11

Ne migkaǥi zutun is amey zan te, “Emun iyan en heeyan egkeulaula su wazà duma he paaǥi, ne zeyzey ke zuen edtinesen niw he menge meupiya he igasa he zini ebpuun te kenitew wey niw meuwit diyà te egalen dan. Uwit kew te menge bawì, teneb, penaket, menge perehemut, wey menge veǥas te kayu he pistasyu wey almindru.

Salmo 14:4

Wazè be metueni kayi te lalung he menge etew is menge vaal zan? Netuenan dan heini! Ebpegpeǥesen dan is menge emurè ku te inged wey zan mekeselapì he iring dà sikandan te edsupal te keenen, ne kenà sikandan ed-ampù diyà te Nengazen.

Salmo 83:6

Iyan sikandan kes menge Edomanhen, menge Ismailihanen, menge Moabitanhen, menge Hagarnen,

Erubasa 30:20

Iyan heini ed-ul-ulahan te vahi he mengungumpadi: Ebpehilavet sikandin te zuma he maama, ne kegkeipus dutun ebpemeziǥù ne ke sikandin diyà te esawa zin te wazè din mid-ulaula he mezaat.

Solomon 5:1

Midseled a ziyà te pemuleey ku, pelanggè ku he minahal. Mid-amur-amur ku is mira ku wey menge pehemut ku. Migkaan a te teneb ku wey mid-inum a te vinu ku wey ǥatas ku. Sikiyu is mibminahalà, megkaan kew wey med-inum.

Jeremias 22:6

Iyan heini migkaǥi te Nengazen bahin duen te turuǥan te hadì te Juda: “Diyà te kediey iring is kekempet kayi te kekempet te Gilead etawa puntur te vuntud he Lebanon. Piru siguradu he edhimuwen ku heini he disirtu, iring te inged he wazà duen ed-ubpà

Jeremias 46:11

“Sikiyu is menge etew ziyà te Ehipto, minsan edhendiyè kew pa te Gilead su ebpenguwa kew te vawì, ne kenà ebpulus is langun he vawì niw su kenà ebpekeulì keniyu.

Jeremias 8:22

Wazè be bawì diyà te Gilead? Wazè be ebpemawì diyà? Maan is wazà meulii is palì te menge emurè ku te inged?

Ezekiel 47:18

“Is dulunà diyà te zapit te edsilaan ebpuun diyà te zulunà te Hauran wey Damascus pehendiyà te Wahig he Jordan he iyan mibpedsivey te tanà he Gilead wey tanà he Israel pehendiyà te Daǥat he Minatey taman te Tamar. Iyan heini zulunà diyà te edsilaan.

Amos 6:4

Kehizu niw te edhidhizeǥè dà diyà te mahalen he menge katri niw, he ebpetakè en egkaan te usa te nati he kerehidu wey impelambù he nati he vaka.

Amos 6:6

Kehizu niw te utew vuleǥuk te vinu wey egamit te mahalen he menge pehemut, piru wazà meseeng te edtelinguma he kezeetan te nasyun niw.

Josue 13:11

Ragkes daan is Gilead wey is menge tanà he mid-ubpaan te menge Gisurhanen wey menge Maakatnen, is tivuuk he Buntud he Hermon, wey is tivuuk he Bashan taman te Saleca.