Genesis 37:2 - Manobo Western Bukidnon OT

² Iyan heini guǥud mehitenged te pemilya ni Jacob: Hein 17 is penuiǥen ni Jose, mid-uǥup en sikandin te menge kakey zin te kebantey te menge uyaǥen. Haazà he menge kakey zin, ne menge anak ni Bilha wey ni Zilpa he menge esawa te amey zin. Ebpenudtulen ni Jose ziyà te amey zin mezaat he menge ulaula te menge kakey zin.

Genesis 37:2 ပူးပေါင်းရင်းမြစ်များ

Genesis 10:1

Si Shem, si Ham, wey si Jafet, iyan heini guǥud te menge kevuwazan dan he impenganak dutun te timpu hein neipus en is kedlapey te zaǥat.

Genesis 2:4

Iyan heini sikan is keguǥuza te kedlimbaǥa zengan te langit wey kelibutan. Dengan hein midlimbag te Nengazen he Megbevayà is langit wey kelibutan,

Genesis 30:4

Ne imbeǥey ni Raquel ki Jacob si Bilha is uripen din para mehimu he esawa zin daan, ne mibpekidhulid si Jacob kandin.

Genesis 30:9

Ne hein kenè en si Lea ebpekaanak, ne impeesawa zin ki Jacob is uripen din he si Zilpa.

Genesis 35:22

Ne zutun te timpu he kemulu pa ed-ubpà ensi Jacob dutun, midhulizan ni Reuben is esawa te amey zin he si Bilha. Hein netuenan haazà ni Jacob, utew sikandin nepauk. Duen 12 he menge anak ni Jacob.

Genesis 41:46

Mibpenuiǥen dutun si Jose te 30 zutun te timpu te kedhimuwa kandin he lavew he upisyal te hadì. Ne mid-awà sikandin dutun te etuvangan te hadì ne midhipanew he midtukid din susiya is langun he menge inged diyà te Ehipto.

Genesis 45:6

Dezuwe en he tuig is ked-aǥi te vitil zini te kenitew ne egkeumanan pa heini te lelima he tuig he wazà egkeraǥun te ebasuk.

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

Genesis 5:1

Iyan heini keguǥuza te menge kevuwazan ni Adan. Dutun te kedlimbaǥa te Megbevayà te menusiyà, midhimu zin is etew iring te kandin he zagwey.

Genesis 6:9

Iyan heini guǥud mehitenged te pemilya ni Noe. Metazeng he etew si Noe. Dutun he timpu iyan dà sikandin etew he wazà igkesawey zuen; utew sikandin mibpekid-emiǥu te Megbevayà.