Genesis 37:11 - Manobo Western Bukidnon OT

¹¹ Ne utew neepesi si Jose te menge suled din, piru si Jacob mulà mid-isip-isip din heini he menge hitavù.

Genesis 37:11 ပူးပေါင်းရင်းမြစ်များ

Genesis 24:31

Migkeǥiyan sikandin ni Laban te, “Iyan ke ves is midtuvazan te Nengazen. Maan is kayi ke zà edhithitindeg? Laus ka ziyà te valey zey, su mid-endaman dey en sikew te edhizeǥaan nu wey lugar para te menge kemilyu nu.”

Genesis 37:12

Sevaha zutun he andew, midhendiyà is menge kakey ni Jose te Shekem su ebpemepenabtab te menge uyaǥen te amey zan.

Salmo 106:16

Diyà te kampu zan diyà te sibsivayan nesina sikandan ki Moises wey ki Aaron. Si Aaron mibpili he ebpenilbi te Nengazen.

Megwewali 4:4

Neehè ku he is etew ebpenigudu wey ebeelan din is taman te egkehimu zin su egkesina sikandin te zuma zin. Wazà daan kayi pulus; henduen dà te edal-as ka te keramag.

Isaias 11:13

Egkeawà is kesina te Israel te Juda ne kenè dan en edtebek.

Isaias 26:11

Nengazen, andam ke en he edsilut kandan, iyan, wazè dan metueni heini. Petueni nu kandan Nengazen! El-eleza nu sikandan pinaaǥi te kebpaahaa nu kandan te kebmahala nu te menge etew nu. Binsuli nu sikandan te hapuy is menge kuntada nu.

Daniel 7:28

“Iyan heeyan teǥeinep ku. Ingkeherati ku heini ne mibmemeluntak a te kegkulbai ku. Iyan, wazà ku heini tudtula ziyà te minsan hentei.”

1 Samuel 18:8

Nepauk si Saul te nezineg din is kanta zan. Neisip din is, “Egkaǥi sikandan te tig-10,000 is nepatey ni David piru is kedì ne tig-1,000 zà. Ne sunud ne edhimuwen dan sikandin he hadì.”