Genesis 34:5 - Manobo Western Bukidnon OT

⁵ Hein netuenan ni Jacob he midlayug ni Shekem si Dina, wazè din pa ul-ulaha is egkeisip din su wazè pa mekeulì is menge anak din he menge maama he ziyà te unayan su abantey te menge uyaǥen dan.

Genesis 34:5 ပူးပေါင်းရင်းမြစ်များ

Genesis 30:35

Piru te haazà he andew, insivey ni Laban is kevangan he kambing, meemahan wey vehiyan, ragkes is meitem he menge kerehidu. Mibpeelimahan din heini te anak din he maama.

Genesis 34:4

Ne migkeǥiyan din is amey zin he si Hamor te, “Ipeesawa nu kedì heeyan is bahi.”

Genesis 34:6

Midhendiyà si Hamor wey is anak din he si Shekem te ki Jacob su ebpekidlalag kandin.

Genesis 46:34

kinahanglan he medtavak kew, ke sikiyu te, ‘Sikami is menge suluǥuen nu, menge bekidu key; puun dà te kedekdekelè dey su iyan daan heini ulaula te menge ginikanan dey.’ ” Ne ke si Jose te, “Dutun edtuǥutan kew zin he ed-ubpà diyà te tanà he Goshen, su is menge Ehiptohanen utew zan egkeepesi is minsan hentei he menge bekidu te menge uyaǥen.”

2 Samuel 13:22

Ne si Absalom, egkeepesan din utew si Amnon su mibpeel-elezan ni Amnon is etevey zin he si Tamar. Tenged kayi, kenè en sikandin ebpekidlalag ki Amnon.

Salmo 39:9

Ebpereremek e en; kenà ad edriklamu, su iyan ka midrasey kedì.

Leviticus 10:3

Ne migkeǥiyan ni Moises si Aaron te, “Iyan heini ibpesavut te Nengazen hein migkaǥi sikandin te, ‘Kinahanglan he egkilelaan te menge memumuhat is kegkewaǥas ku, wey kinahanglan he ebeǥayan a te zengeg te langun he menge etew ku.’ ” Wazà meketavak si Aaron.

1 Samuel 10:27

Duen dutun menge etew he wazà menge pulus he ed-undaunda ki Saul. Ke sikandan te, “Ebmenmenuwen kayi he etew te kedluwas kenitew?” Wazè dan beǥayi si Saul te gasa. Piru wazè en megkaǥi si Saul.

1 Samuel 16:11

Mid-insaan ni Samuel si Jesse te, “Iyan dè be sikandan menge anak nu?” Midtavak si Jesse te, “Duen pa, is tinengkezan, piru wazà kayi su ebantey sikandin te kerehidu.” Migkaǥi si Samuel te, “Ipehendini, su kenè tew edhimuwen is kebpemuhat emun kenà ebpekeuma kayi.”

1 Samuel 17:15

si David mulà ed-ulìulì dà diyà te Betlehem puun te kampu ni Saul su ed-atimanen din is menge kerehidu te amey zin.