Genesis 34:1 - Manobo Western Bukidnon OT

¹ Si Dina, sikan is anak ni Jacob he raǥa he anak ni Lea, mibpenumbaley ziyà te menge vahi he menge meǥinged dutun te inged.

Genesis 34:1 ပူးပေါင်းရင်းမြစ်များ

Genesis 26:34

Ne hein 40 en is penuiǥen ni Esau, mid-esawa zin si Judith he anak ni Beeri he Hitihanen, wey si Besemat he anak ni Elon he Hitihanen daan.

Genesis 27:46

Ne migkeǥiyan dutun ni Rebeka si Isaac te, “Utew ku en igkerasey te ed-isip-isip is tenged kayi te menge esawa ni Esau he menge Hitihanen. Emun iyan ed-esewaan ni Jacob is tig-kayi zed he vahi he Hitihanen, deyzey pa ke ebpatey e en nasì.”

Genesis 28:6

Netuenan ni Esau he mibpenubtuvazan ni Isaac si Jacob wey impehendiyè din te Padan Aram su wey ziyà sikandin mekepengesawa. Ne nezineg din daan he zutun te kebpenuvadtuvad ni Isaac intelaan din ki Jacob he kenà sikandin mebpengesawa te vahi he tig-Canaan.

Genesis 30:13

Migkaǥi si Lea te, “Utew a nelipey! Ebpekekaǥi is menge zuma ku he vahi he utew ad melipayen.” Umbe migngezanan din haazà is batà ki Asher.

Genesis 30:21

Ne is huziyan he in-anak ni Lea vahi, ne migngezanan din ki Dina.

Genesis 33:20

Ne zutun mibaal si Jacob te pemuhatà he migngezanan din te El Elohe Israel, he ke và dà egkaǥiya, “Utew mekeǥeǥehem is Megbevayà he ed-ezapen ni Israel.”

Genesis 46:15

Iyan heini menge anak wey menge apù ni Jacob he in-anak ni Lea ziyà te inged he Padan Aram. Ne 33 is langun he menge kevuwazan ni Jacob wazà lavet te anak din he vahi he si Dina.

Jeremias 2:36

“Melemu zà diyà te keniyu is ked-ilis-ilis te kezapig niw he menge nasyun. Piru utew kew ebpeel-elezi te Ehipto he kezapig niw iring te kebpeel-elezi keniyu te Asiria.