Genesis 33:5 - Manobo Western Bukidnon OT

⁵ Ne hein neehè din is menge vahi wey menge vatà, ne mid-insaan din si Jacob te, “Hentei heini is menge zuma nu?” Ne midtavak si Jacob te, “Iyan heini menge anak ku he imbeǥey kediey te Megbevayà su ingkehizu e zin.”

Genesis 33:5 ပူးပေါင်းရင်းမြစ်များ

Genesis 30:2

Ne nepeukan sikandin ni Jacob he egkaǥi te, “Maan, Megbevayè e ve? Kandin he ketau is kenè nu kebpekaanak!”

Genesis 33:6

Ne mid-uvey ziyà te ki Esau haazà is dezuwa he suluǥuen he vahi wey is menge anak dan, ne midluhud sikandan he iyan kedtahud dan kandin.

Genesis 48:9

Ne midtavak si Jose te, “Iyan en heini, amà, sikan is menge anak ku he imbeǥey kediey te Megbevayà.” Ne migkaǥi si Israel te, “Ipeuvey nu sikandan kayi su wey ku sikandan mepenubtuvazi.”

1 Cronica 28:5

Mibeǥayan e zin te mezakel he menge anak he menge maama, ne ebpuun dutun te kandan mibpilì din si Solomon he edhadì te ginhedian din he iyan is Israel.

Salmo 127:3

Is menge anak beǥey wey gasa he ebpuun te Nengazen.

Isaias 8:18

Heini e zed wey is menge anak ku he imbeǥey te Nengazen kedì. Menge tuus key para te Israel he ebpuun diyà te Nengazen he Mekeǥeǥehem. Ed-ubpà sikandin diyà te Buvungan he Zion.

Ruth 4:13

Ne zutun mibeyaan ni Boaz si Ruth ne mid-esawa zin ne midtuvazan si Ruth te Nengazen, ne mibmeǥingey ne maama is in-anak din.

1 Samuel 1:27

Mibuyù ku heini he vatà diyà te Nengazen ne imbeǥey zin kedì is mibuyù ku.