Genesis 33:11 - Manobo Western Bukidnon OT

¹¹ dewata nu en is ibeǥey ku kenikew su nehizuwan a te Megbevayà ne wazà a mekurangi te menge penginehenglanen ku.” Midteǥel ni Jacob si Esau taman te nezawat en nasì ni Esau haazà is igasa zin.

Genesis 33:11 ပူးပေါင်းရင်းမြစ်များ

Genesis 30:43

Pinaaǥi kayi, midsepian utew si Jacob. Ne utew midmezakel is menge uyaǥen din ragkes is menge kemilyu wey menge asnu. Mezakel zaan is menge suluǥuen din he menge maama wey vahi.

Genesis 32:21

Umbe impehuna zin haazà is menge igasa zin, piru sikandin mulà dutun dà mebpelintetaǥak te haazà he kezukilimi te mid-ubpaan dan.

Genesis 33:10

Piru midteǥel ni Jacob, ke sikandin te, “Sigi en, dewata nud haazà. Su emun tutuu he igkeǥaǥew a kenikew dewata nu en is gasa ku kenikew. Su hein kedtengtengi ku te zagwey nu ne henduen be te zagwey te Megbevayà. Ne ǥuntaan te midawat a kenikew,

Genesis 33:12

Ne migkaǥi si Esau te, “Kuwa kiw en su egenat kiw en. Ebpezumehè kiw en.”

Genesis 33:9

Ne migkaǥi si Esau te, “Mezakel en is menge azen ku, geli, umbe kenikew zed haazà.”

2 Hadì 2:17

Piru nekidteǥelà sikandan taman te egkeeled en si Elisha he ebarew. Umbe ke sikandin te, “Sigi, ipehipanew niw en nasì sikandan.” Umbe impeǥenat dan sikan is 50 he menge etew, ne seled te tetelu he andew is kebpen-ahaa zan ki Elias piru wazè dan maahà.

2 Hadì 5:23

Migkaǥi si Naaman te, “Uya, heini zed is 70 he kilu he pelata.” Ne midteǥel sikandin ni Naaman he zewata zin haazà. Intaǥù ni Naaman sikan is pelata ziyà te zezuwa he bag ragkes en is dezuwa he lukut he visti, ne imbeǥey zin haazà diyà te zezuwa he suluǥuen din he iyan ed-uwit dutun para ki Gehazi.

Josue 15:19

Midtavak si Acsa te, “Umani a kenikew beǥayi te pebur, iyan pezem suat ku he ebeǥayan a kenikew te tanà he zuen duen serebseb su is tanà he imbeǥey nu kedì diyà te Negev wazà duen serebseb.” Umbe imbeǥey ni Caleb kandin is menge lugar he zuen duen menge serebseb diyà te vuvungan wey alug.

Zatù 1:15

Midtavak si Acsa te, “Beǥayi e man kenikew te pebur. Egkesuatan ku pezem he ebeǥayan a kenikew te menge serebseb, su is tanà he imbeǥey nu kedì diyà te Negev ne wazà duen menge serebseb.” Umbe imbeǥey ni Caleb kandin is menge lugar he zuen menge serebseb diyà te vuvungan wey alug.

1 Samuel 25:27

Emun ibmeupiya te gehinawa nu, dewata nu heini is ibeǥey ku kenikew ne iveǥey nu ziyà te menge sakup nu.

1 Samuel 30:26

Hein nekeuma ensi David diyà te Ziklag, impeuwit din diyà te menge pengulu te Juda he menge emiǥu zin is duma he menge naaǥew zan, duma zutun is lalag he: “Heini zed is ibeǥey ku keniyu he naaǥew zey ziyà te menge kuntada te Nengazen.”