Genesis 32:5 - Manobo Western Bukidnon OT

⁵ Ne keǥiyi niw sikandan he zuen ku en menge vaka, menge asnu, menge kerehidu, wey menge kambing, ne zuen ku zaan menge suluǥuen he vahi wey maama. Keǥiyi niw sikandin he midsuǥù ku sikiyu he edhangyù kandin he ikeǥaǥew e zin ded.”

Genesis 32:5 ပူးပေါင်းရင်းမြစ်များ

Genesis 30:43

Pinaaǥi kayi, midsepian utew si Jacob. Ne utew midmezakel is menge uyaǥen din ragkes is menge kemilyu wey menge asnu. Mezakel zaan is menge suluǥuen din he menge maama wey vahi.

Genesis 31:16

Is langun he ketiǥeyunan he midhawì te Megbevayà diyà te amey zey, ne egkeisip dey he iyan egkepengevilin dey wey te menge anak dey. Umbe pemineǥa nu is egkeǥiyen te Megbevayè nu.”

Genesis 31:3

Migkeǥiyan te Nengazen si Jacob te, “Ulì ke en diyà te lugar he mid-ubpaan te menge kepuun nu, ziyà te menge kezuzumahi nu, ne iyan a eduma kenikew.”

Genesis 33:11

dewata nu en is ibeǥey ku kenikew su nehizuwan a te Megbevayà ne wazà a mekurangi te menge penginehenglanen ku.” Midteǥel ni Jacob si Esau taman te nezawat en nasì ni Esau haazà is igasa zin.

Genesis 33:15

Ne migkaǥi si Esau te, “Emun iyan heeyan, idtaǥak ku nasì is duma he menge sakup ku kenikew.” Midtavak si Jacob te, “Kenè en kinahanglan. Is impurtanti ne midawat a kenikew.”

Genesis 33:8

Ne mid-insaan ni Esau si Jacob te, “Hengkey is ibpesavut dutun te nesinuǥung ku he grupu te menge uyaǥen nu?” Midtavak si Jacob te, “Ibpayùpayù ku kenikew para mezawat a kenikew.”

Genesis 47:25

Ne midtavak dan te, “Datù, utew meupiya is mibeelan nu kenami, su midlibri key kenikew. Ne ebpezumazuma key he egkehimu he menge uripen te hadì.”

2 Samuel 16:4

Migkaǥi si David te, “Emun iyan heeyan, ne ǥuntaan ibeǥey ku kenikew is langun he ǥaked ni Mefiboshet.” Midtavak si Ziba te, “Mahal he Hadì, andam a he ebpenilbi kenikew. Berakat he igkelipey a kenikew.”

Job 6:22

Piru maan? Mibuyù e ve ziyà te keniyu te gasa? Midhangyù e ve he tevangi a keniyu te ketiǥeyunan niw,

Ruth 2:2

Duen timpu he migkaǥi si Ruth diyà te ki Naomi te, “Tuǥuti a kenikew he edhendiyà a te menge perayan su wey a mekepekirarew te barli. Kela ke zuen etew he idtuǥut din kediey is kebpekirarew ziyà te perayan din.” Ne midtavak si Naomi te, “Uya, bayi, hendiyè ka.”

1 Samuel 1:18

Migkaǥi si Hana te, “Datù, selamat te ketulanged nu kedì.” Ne zutun migenat, ne migkaan en human sikandin ne mibmeupiye en is gehinawa zin.