Genesis 32:4 - Manobo Western Bukidnon OT

⁴ Mibpenurù din sikandan ke hengkey is egkeǥiyen dan diyà te ki Esau. Migkaǥi si Jacob te, “Keǥiyi niw si Esau te ziyà a med-ubpà te ki Laban ne wazè e pa ganì mekeulì taman guntaan.

Genesis 32:4 ပူးပေါင်းရင်းမြစ်များ

Genesis 23:6

“Datù, pemineǥa nu is egkeǥiyen dey. Migkilala zey sikew he telehuzen he etew, umbe egkehimu he minsan hendei nu idleveng is esawa nu kayi te pinekemeupiya he penlevengè dey. Wazà minsan hentei kenami he kenà ebeǥey kenikew te edlevengan te esawa nu.”

Genesis 25:30

Ne migkeǥiyan din si Jacob te, “Beǥayi e en kun, ipekaan ad keniyan te sinuba nu he meriǥàriǥà su utew ad egkevitil.” (Ne tenged dutun, egngezanan daan si Esau ki Edom, he ke và dà egkeǥiya, “Meriǥà”.)

Genesis 27:29

Berakat he mezakel he menge tribu is egkehimu menge suluǥuen nu, wey edtahud dan kenikew. Berakat he iyan ka mehimu he egalen te menge suled nu, wey medtahud kenikew is menge hazi nu. Berakat he is edrawak kenikew ne iyan merewaki, ne tuvazi mulà is ebpenuvadtuvad kenikew.”

Genesis 27:37

Ne midtavak si Isaac te, “Midhimu ku en he iyan sikandin egalen nu ne is langun he menge kezuzumahi zin ne midhimu ku en he menge suluǥuen din. Impenuvadtuvad ku en diyà te kandin is idsegkayà he egkekaan wey egkeinum. Umbe wazè en egkehimu ku para kenikew?”

Genesis 31:41

Menge 20 en he tuig is ked-ubpè ku ziyan te keniyu, 14 he tuig is kebpenilbi ku kenikew para kayi te zezuwa he anak nu he menge vahi. Ne mid-uman e pa medterebahu te heenem he tuig te kebekidu te menge uyaǥen nu. Piru hengkey heini is mibeelan nu? Ne kesepulù nu en helhelina is suhul ku.

Genesis 32:18

tevaka niw sikandin te kedì heini he menge uyaǥen ne igasa ku heini kandin. Keǥiyi niw zaan sikandin te keniyan en edtundug.”

Genesis 32:5

Ne keǥiyi niw sikandan he zuen ku en menge vaka, menge asnu, menge kerehidu, wey menge kambing, ne zuen ku zaan menge suluǥuen he vahi wey maama. Keǥiyi niw sikandin he midsuǥù ku sikiyu he edhangyù kandin he ikeǥaǥew e zin ded.”

Genesis 33:14

Deyzey ke edhuna ke en kenami. Ednaneynaney key en edsunud kenikew sumalà te kegaan kayi te menge vatà wey te menge uyaǥen he egketundug dey. Diyè kiw en ebpeked-uuma te Seir.”

Genesis 33:8

Ne mid-insaan ni Esau si Jacob te, “Hengkey is ibpesavut dutun te nesinuǥung ku he grupu te menge uyaǥen nu?” Midtavak si Jacob te, “Ibpayùpayù ku kenikew para mezawat a kenikew.”

Genesis 36:8

Umbe, si Esau (he egngenazan daan ki Edom) diyà med-ubpà te menge vuvungan he Seir.

Genesis 36:9

Iyan heini guǥud mehitenged te pemilya ni Esau he iyan kepuun te menge Edomanhen he meǥinged diyà te menge vuvungan he Seir.

Genesis 4:7

Su emun hustu is ed-ul-ulahan nu edewaten ku sikew; ne emun kenà, melemu ka ebpekesalà, su is salà ne iring te kumekaid he langgam he ed-ayan kenikew keniyan te ǥemawan. Utew zin egkesuati he mezaag ke zin, iyan, kinahanglan he iyan ka edaag kandin.”

1 Hadì 20:32

Umbe, mibivisti sikandan te saku wey mibagkes dan te pisì is ulu zan. Ne midhendiyè dan te hadì te Israel ne ke sikandan te, “Si Ben Hadad he edtahud kenikew ebpehizuhizu he ke egkehimu kenè nu sikandin himetayi.” Midtavak haazà is hadì te, “Uuyag pe bes sikandin? In-iring ku sikandin te suled ku.”

Exodus 32:22

Ne midtavak si Aaron te, “Kenà a kenikew mepeuki su netuenan nu en man he heini is menge etew, susuaten he ebaal te mezaat.

Erubasa 15:1

Is menayù he kedtavak, ebpekepevehew te pauk, iyan, is hangger he kedtavak, ebpekepeiseg te pauk.

Erubasa 25:15

Is kebmepelevayen wey menayù he kegkaǥikaǥi ne ebpekeuwit te menge pengulu minsan te menge mezesen is gehinawa.

Erubasa 6:3

ne zuen nu en televaken diyà te zuma. Piru iyan heini ul-ulaha nu su wey ka melibri zutun te penangdù nu ziyà te kandin: Hendiyè ka te kandin ne hangyù ka he tevangi ke zin he mekelingkawas ka zutun te televaken nu.

Megwewali 10:4

Emun egkepeukan ka te pengulu kenè nu vey-ani is ketengdanan nu, su emun egkevehew en is pauk din kela ke peseyluwa ke zin minsan dekelà is salà he nehimu nu.

Isaias 21:11

Heini he menge lalag ne mehitenged te Edom: Duen etew ziyà te Edom he edtulung ed-insà kayi te kediey te, “Bantey, egkeuǥet pe be egkepawà.”

Zatù 5:4

He Nengazen, hein migenat ka he ebpuun diyà te Buntud he Seir, wey migawas ka te tanà he Edom, midlinug wey mid-uzan te utew mereǥes.

1 Samuel 26:17

Nekilala ni Saul is laǥeng ni David, umbe migkaǥi sikandin te, “David, mama, iyan ke ves heeyan?” Midtavak si David te, “Uya, iyan a heini, Mahal he Hadì.