Genesis 32:32 - Manobo Western Bukidnon OT

³² Iyan heini hinungdan ke maan is taman guntaan he is menge Israilihanen ne kenà egkaan te uǥat he zutun te tulan he zapit te seǥang. Su keniyan dapit gewezi te Megbevayà si Jacob.

Genesis 32:32 ပူးပေါင်းရင်းမြစ်များ

Genesis 32:25

Hein neisip dutun te etew he kenè din egkezaag si Jacob, migewezan din is seǥang ni Jacob ne nekiluwan haazà is midsuuran te tulan kayi.

Genesis 32:31

Ne hein midsilà is andew mid-awà si Jacob diyà te Peniel. Ebpiangpiang sikandin tenged te kegkekiluwi te midsuuran te tulan te seǥang din.

Genesis 33:1

Ne hein kebpantew ni Jacob, neehè din si Esau is ebpelingguma he edumahan te 400 he menge maama. Ne zutun, impedtetepizè din is menge anak din diyà te menge esawa zin he si Lea wey si Raquel, wey ziyà te menge suluǥuen dan he vahi.

1 Hadì 12:25

Mibpeveelan ni Jeroboam te verengbeng is inged he Shekem diyà te vuvungan te Efraim, ne zutun sikandin med-ubpà. Dutun te huziyan he timpu, midhendiyà sikandin te Penuel ne midlig-enan din daan heini.

Zatù 8:8

Puun te Sucot midtekezeg ensi Gideon pehendiyà te Penuel ne midhangyù en maan si Gideon te keenen piru is tavak te menge tig-Penuel iring ded te tavak te tig-Sucot.

1 Samuel 5:5

Umbe puun dutun, is menge memumuhat ni Dagon wey is langun he edseled dutun te simbahan dan diyà te Ashdod, kenè dan egiek duen te kilid he gemawan.