Genesis 32:29 - Manobo Western Bukidnon OT

²⁹ Ne migkeǥiyan sikandin ni Jacob te, “Tezemi a kenikew ke hentei is ngazan nu?” Ne midtavak haazà is etew te, “Kenè nu en i-insai ke hentei is ngazan ku.” Ne zutun mibpenubtuvazan din si Jacob.

Genesis 32:29 ပူးပေါင်းရင်းမြစ်များ

Genesis 17:5

Kenè ke en egngezanan ki Abram, kekenà, egngezanan ku en sikew ki Abraham, su edhimuwen ku sikew he kepuun te medmezakel he menge nasyun.

Genesis 35:10

Migkeǥiyan sikandin te Megbevayà te, “Jacob is ngazan nu, puun guntaan ne kenè en maan Jacob is igngazan kenikew, kekenà, Israel en.” Umbe Israel en is ngazan ni Jacob.

Genesis 35:9

Ne zutun te timpu he nekeulì ensi Jacob he ebpuun te Padan Aram, mid-uman en maan mebpaahà is Megbevayà diyà te kandin, ne mibpenubtuvazan din si Jacob.

1 Hadì 18:31

Migkuwa sikandin te 12 he menge vatu he iyan ibpesavut din is 12 he tribu he menge anak ni Jacob, sikan is etew he migngezanan te Nengazen ki Israel.

2 Hadì 17:34

Taman en guntaan he menge andew is kebeeli zan kayi. Kenà tutuu is ked-ezapa zan te Nengazen, ne wazà sikandan medtuman te menge suǥù, menge sulunuzen, menge penurù, wey menge kesuǥuan he imbeǥey te Nengazen te menge kevuwazan ni Jacob, he migngezanan din te Israel.

1 Cronica 1:34

Si Abraham ne amey ni Isaac. Is menge anak ni Isaac ne si Esau wey si Israel.

Job 11:7

Egketegkad nu ve is langun he mehitenged te Megbevayà?

Erubasa 30:4

Duen be etew he nekehendiyà te langit he midliku ded kayi te kelibutan? Duen be etew he nekekemkem te keramag etawa neketenges te wahig te manggad? Duen be etew he nengelintau wey mekesavuk is menge zulunà te kelibutan? Emun duen nu nekilala, keǥiya nu kedì is ngazan din wey is ngazan te menge anak din.

Isaias 9:6

Egkelipey pa zaan sikandan su id-anak is batà he maama ne edhedian key zin. Egngezanan sikandin te, “Egkein-inuwan he Sumesambag, Mekeǥeǥehem he Megbevayà, Wazà Pidtemanan he Emey, wey Pengulu he Ebpekeveǥey te Kelinew!”

Hoseas 6:1

Mibitiyara is menge Israilihanen he ke sikandan te, “Kuwa kew en, su edlikù kiw en diyà te Nengazen. Iyan sikandin midezaat kenitew ne iyan daan sikandin edtavang kenitew.

Numero 20:14

Hein diyè pa te Kadesh is menge Israilihanen, impehendiyà ni Moises is menge menunudtulè din te hadì diyà te Edom. Iyan heini impetudtul ni Moises kandan, “Heini he lalag ebpuun diyà te menge kezuzumahi nu he menge etew te Israel: Netuenan nu is langun he kemeresayan he neeǥiyan dey.

Deuteronomio 29:29

“Duen menge in-eles he iyan dà netau zuen is Nengazen he Megbevayè tew, piru impahayag din diyà te kenitew is kesuǥuan din ne kinahanglan he edsunuzen tew heini wey te menge kevuwazan tew te taman te taman.