Genesis 32:26 - Manobo Western Bukidnon OT

²⁶ Ne zutun migkaǥi haazà is etew te, “Lekai a kenikew su egkepawè en.” Ne midtavak si Jacob te, “Kenè ku sikew edlekaan emun kena a kenikew ebpenubtuvazan.”

Genesis 32:26 ပူးပေါင်းရင်းမြစ်များ

Genesis 32:25

Hein neisip dutun te etew he kenè din egkezaag si Jacob, migewezan din is seǥang ni Jacob ne nekiluwan haazà is midsuuran te tulan kayi.

Genesis 32:27

Ne mid-insaan sikandin dutun te etew te, “Hentei is ngazan nu?” Ne midtavak sikandin te, “Si Jacob.”

1 Cronica 4:10

Mid-ampù si Jabez diyà te Megbevayà te Israel, “Deyzey pezem ke tuvazi a kenikew ne mebmeluag pa is tanè ku. Dumahi a kenikew wey ilikey a te menge ebpekezezaat su wey a kenà mesekiti.” Ne midtavak te Megbevayà is hangyù din.

Salmo 67:1

He Megbevayà, kehizuwi key wey tuvazi key. Ipeehè nu kenami is keupiya nu,

Exodus 32:10

Ne ǥuntaan bey-ani e en kenikew su nepeukan ku en sikandan ne edèdeetan ku en sikandan. Ne iyan ke zà wey is menge kevuwazan nu edhimuwen ku he ventuǥan he nasyun.”

Solomon 3:4

Ne wazè en meuǥet dutun te ked-ewai ku zuen te menge vantey ne neturedu ku is minahal ku. Mibpurungan ku sikandin kepkepi, ne wazè ku en lekai taman te neuwit ku sikandin diyà te valey te iney ku, ziyà te ruǥu he zutun a meetew.

Solomon 7:5

Is ulu nu iring is kekempet din te kekempet te Buntud he Carmel. Is bulvul nu iring te utew mahalen he manggad. Utew nesuati te hadì is kempet kayi.

Isaias 45:11

Iyan heini migkaǥi te Nengazen he Waǥas he Megbevayà te Israel wey midlimbag kandin, “Edriklamu kew ve tenged te menge vaal ku? Ebeyveyaan e ve keniyu te ereg he ebeelan ku?

Isaias 64:7

Wazà minsan sevaha kenami he midangep kenikew wey neninguhà he egawed kenikew. Iyan heeyan hinungdan ke maan is mid-iniyuǥan key kenikew, ne mibey-anan key en kenikew is ebpematey tenged te menge salè dey.

Hoseas 12:4

iring te kebpekibuteng din te velinsuǥuen, ne nekezaag sikandin. Midsineǥew sikandin hein ebuyù te penuvadtuvad dutun te velinsuǥuen. Neehè din is Megbevayà diyà te Betel, ne zutun nekidlalag kandin is Megbevayà.

Deuteronomio 9:14

Bey-ani ad kenikew su edezeetan ku sikandan su wey melipati en sikandan. Ne edhimuwen ku sikew wey is menge kevuwazan nu he nasyun he mekeǥeǥehem pa wey mahabet pa kandan.’