Genesis 32:22 - Manobo Western Bukidnon OT

²² Ne hein mezukilem, mid-enew si Jacob ne miduma zin is dezuwa he esawa zin, is dezuwa he menge suluǥuen dan he vahi, wey is 11 he anak din he maama, ne imperapas din sikandan ipehuna te repasan te Jabok.

Genesis 32:22 ပူးပေါင်းရင်းမြစ်များ

Genesis 29:21

Hein netuman en haazà is pitu he tuig, migkeǥiyan ni Jacob si Laban te, “Nepasad-en is kebpeniwakè ku kenikew, iveǥey nu en kediey si Raquel su ebpehulizè key en.”

Genesis 32:21

Umbe impehuna zin haazà is menge igasa zin, piru sikandin mulà dutun dà mebpelintetaǥak te haazà he kezukilimi te mid-ubpaan dan.

Genesis 32:23

Ne impenlayun daan ni Jacob is langun he menge azen din.

Genesis 35:18

Ne hein edluwèluwe en te ǥehinawa si Raquel, migngezanan din is anak din ki Ben Oni. Piru migngezanan mulà ni Jacob haazà is batà ki Benjamin.

Deuteronomio 2:37

Ne tenged te mandù kenitew te Nengazen he Megbevayè tew, wazè tew uvayi is menge tanà te menge Amunihanen, minsan is tanà he ziyà te kilid te Jabok wey is menge inged he nekeliǥuy te menge vuvungan.

Deuteronomio 3:16

Wey ziyà te menge kevuwazan ni Reuben wey ni Gad imbeǥey ku kandan is tanà he puun te Gilead taman te zal-ug he Arnon. Is tengàtengà te Arnon iyan dulunè dan diyà te divavà, ne iyan dulunè dan diyà te zizaya is dal-ug he Jabok, he iyan daan dulunà te menge Amunihanen.

Zatù 11:13

Ne iyan heini tavak duen te hadì te menge Amunihanen diyà te menunudtulà he midsuǥù ni Jefta: “Hein ked-awà te menge Israilihanen puun te Ehipto, mid-aǥew zan is tanè dey–puun te Wahig he Arnon taman te Wahig he Jabok, wey pehendiyè en te Wahig he Jordan. Ne iyan suat dey he iulì niw heini ziyà te kenami te melinawen he paaǥi.”