Genesis 32:20 - Manobo Western Bukidnon OT

²⁰ Ne mibpetizeenan din sikandan he kenè dan lipati he keǥiyi zan si Esau he edtundug en sikandin. Su neisip ni Jacob he, “Ebpeypeyuan ku si Esau kayi te menge igasa ku he ibpehuna ku. Su kela ke meked-ehè key ne ebpeseyluwen e zin ded.”

Genesis 32:20 ပူးပေါင်းရင်းမြစ်များ

Genesis 32:19

Iyan ded haazà migkaǥi zin dutun te ikezuwa, wey te iketelu wey te langun he menge suluǥuen he edtundan duen te menge uyaǥen.

Genesis 32:21

Umbe impehuna zin haazà is menge igasa zin, piru sikandin mulà dutun dà mebpelintetaǥak te haazà he kezukilimi te mid-ubpaan dan.

Genesis 43:11

Ne migkaǥi zutun is amey zan te, “Emun iyan en heeyan egkeulaula su wazà duma he paaǥi, ne zeyzey ke zuen edtinesen niw he menge meupiya he igasa he zini ebpuun te kenitew wey niw meuwit diyà te egalen dan. Uwit kew te menge bawì, teneb, penaket, menge perehemut, wey menge veǥas te kayu he pistasyu wey almindru.

1 Hadì 20:31

Migkeǥiyan sikandin te menge upisyal zin te, “Nezineg dey he hihizuwen kun is menge hadì te Israel. Umbe edhendiyè key te hadì te Israel ne ebpekevavè key pinaaǥi te kebivisti te saku wey kebagkes te pisì diyà te menge ulu zey. Ne kela ke kenè ke zin ded himetayi.”

Erubasa 15:18

Is etew he melemu egkepauk, egkehimu he hinungdan te kesevaan, iyan, is etew he mepelevayen, ebpekehusey te egkesavà.

Erubasa 16:14

Dekelà is keǥehem te hadì umbe emun egkepauk sikandin egkehimu he edhimetayan din is egkepeukan din, ne iyan ebpekepayùpayù kandin is etew he metau.

Erubasa 18:16

Melemu is kebpekidhinguma ta te dungganen he etew emun ed-uwit ki te ibeǥey ta kandin.

Erubasa 21:14

Emun ebeǥayan nu te gasa he wazà metueni te zuma haazà is egkepauk kenikew, ne egkeawà is rerangit din.

Erubasa 6:35

Kenè din en edewaten is ibayad diyà te kandin ne kenè en sikandin egkepeypeyuan minsan sengemenu pa kezekelà is ibpayùpayù kandin.

Jonas 3:9

Su kela ke maawè ded is pauk te Megbevayà kenitew. Kela ke meilisi zed is pauk din te hizu ne kenè kiw zed egkengeǥerà.”