Genesis 32:14 - Manobo Western Bukidnon OT

¹⁴ 200 he menge vehiyan he kambing wey 20 daan he menge meemahan he kambing, 200 he menge vehiyan he kerehidu wey 20 daan he menge meemahan he kerehidu,

Genesis 32:14 ပူးပေါင်းရင်းမြစ်များ

Genesis 30:43

Pinaaǥi kayi, midsepian utew si Jacob. Ne utew midmezakel is menge uyaǥen din ragkes is menge kemilyu wey menge asnu. Mezakel zaan is menge suluǥuen din he menge maama wey vahi.

Genesis 31:10

Ne mid-uman megkaǥi si Jacob te, “Duen timpu he ebpemelelevag is menge uyaǥen, ne neketeǥeinep a. Neteǥeinep ku he is menge meemahan he kambing ne ebpemeniwaley te menge vehiyan he menge beverekà he kambing.

Genesis 31:16

Is langun he ketiǥeyunan he midhawì te Megbevayà diyà te amey zey, ne egkeisip dey he iyan egkepengevilin dey wey te menge anak dey. Umbe pemineǥa nu is egkeǥiyen te Megbevayè nu.”

Genesis 31:9

Ne pinaaǥi zutun migkuwa te Megbevayà is menge uyaǥen te amey niw ne imbeǥey zin kediey.”

Genesis 32:13

Ne ziyà medhulavung ensi Jacob. Ne hein meselem, mibpilì si Jacob te menge uyaǥen he igasa zin ki Esau:

Genesis 32:15

30 he menge vehiyan he kemilyu wey menge nati zan, 40 he vehiyan he vaka wey 10 he menge tudu he vaka, 20 he vehiyan he asnu wey 10 he menge meemahan he asnu.

Genesis 33:11

dewata nu en is ibeǥey ku kenikew su nehizuwan a te Megbevayà ne wazà a mekurangi te menge penginehenglanen ku.” Midteǥel ni Jacob si Esau taman te nezawat en nasì ni Esau haazà is igasa zin.

Genesis 43:11

Ne migkaǥi zutun is amey zan te, “Emun iyan en heeyan egkeulaula su wazà duma he paaǥi, ne zeyzey ke zuen edtinesen niw he menge meupiya he igasa he zini ebpuun te kenitew wey niw meuwit diyà te egalen dan. Uwit kew te menge bawì, teneb, penaket, menge perehemut, wey menge veǥas te kayu he pistasyu wey almindru.

Job 1:3

Duen din 7,000 he menge kerehidu, 3,000 he menge kemilyu, 500 he paris he vaka, wey 500 he menge vehiyan he menge asnu. Ne zuen din daan mahabet he menge suluǥuen. Iyan sikandin pinekesepian te langun he menge etew ziyà te zapit te edsilaan te Israel.

Job 42:12

Umbe, midtuvazan te Nengazen is huziyan he vahin te ked-ubpà ni Job te lavew pa zuen te nehuna. Mibeǥayan din sikandin te 14,000 he menge kerehidu, 6,000 he menge kemilyu, 1,000 he paris te menge vaka, wey 1,000 he vehiyan he menge asnu.

Erubasa 17:8

Is etew he edsipsip, kunaan din ke iring te kegkeselemengkiru is kedsipsip su pinaaǥi zutun, egkehimu kun minsan is kenà pezem egkehimu.

Deuteronomio 8:18

Piru tentenuzi niw he iyan is Nengazen he Megbevayè niw mibeǥey keniyu te ebilidad he insepian niw, ne mibeelan din heini su para metuman din is kebpekid-uyun din keniyu he impenangdù din diyà te menge kepuun niw. Ne edtumanen din en heini ǥuntaan.

1 Samuel 25:2

Dutun te Maon duen sevaha he etew zutun he zekelà is ketiǥeyunan din, duen tanè din diyà te Carmel. 1,000 is kambing din ne 3,000 is kerehidu zin ne ebpen-elutan din diyà te Carmel.