Genesis 31:11 - Manobo Western Bukidnon OT

¹¹ Dutun te teǥeinep ku, migkeǥiyan a te velinsuǥuen te Megbevayà. Ke sikandin te, ‘Jacob!’ Midtavak a te, ‘Heini e zed!’

Genesis 31:11 ပူးပေါင်းရင်းမြစ်များ

Genesis 18:1

Ne mid-uman mebpaahà is Nengazen ki Abraham diyà te uvey te menge kayu he ulayan ni Mamre. Hein ebmeudtu zutun is andew, ebpimpinuu si Abraham diyà te ǥemawan te tulda zin.

Genesis 18:17

Ne migkaǥi is Nengazen diyà te ǥehinawa zin te, “Kenè ku id-eles ki Abraham is ebeelan ku.

Genesis 22:1

Midlavey is nepipira he tuig ne neuma is timpu he migezaman si Abraham te Megbevayà. Migkeǥiyan sikandin te Megbevayà te, “Abraham!” Ne midtavak si Abraham te, “Hengkey!”

Genesis 22:11

Mid-umew si Abraham te velinsuǥuen te Nengazen he ebpuun te langit te, “Abraham! Abraham!” Ne midtavak sikandin te, “Hengkey.”

Genesis 22:15

Ne zutun mid-uman med-umew is belinsuǥuen te Nengazen he ziyà te langit ki Abraham,

Genesis 31:10

Ne mid-uman megkaǥi si Jacob te, “Duen timpu he ebpemelelevag is menge uyaǥen, ne neketeǥeinep a. Neteǥeinep ku he is menge meemahan he kambing ne ebpemeniwaley te menge vehiyan he menge beverekà he kambing.

Genesis 31:13

Iyan a sikan is Megbevayà he mibpaahà kenikew ziyà te Betel kes lugar he zutun nu ipelastar kes tedeman nu he vatu he mid-itisan nu te lana. Dutun ka zaan mebpesarig kediey. Ne ǥuntaan, awè ka kayi te inged ne ulì ke en diyà te kenikew en he inged he zutun ka ianak.’ ”

Genesis 31:24

Ne zutun he kezukilemi, mibpaahà is Megbevayà ki Laban te Aramihanen pinaaǥi te teǥeinep. Migkeǥiyan sikandin te Megbevayà te, “Kenè nu pesipelahi si Jacob.”

Genesis 31:5

Migkeǥiyan din sikandan te, “Neǥezam ku he nahalin en is gehinawa zin kedì guntaan kenà te nehuna. Piru is Megbevayà te amey ku iyan edtavang kedì.

Genesis 37:5

Sevaha he kezukileman neketeǥeinep si Jose. Hein midtudtul zin haazà is teǥeinep din diyà te menge kakey zin, ne mid-iseg is kegkepeuki zan kandin.

Genesis 46:2

Ne hein mezukilem, mibpaahà is Megbevayà ki Jacob. Ne mid-umew te Megbevayà si Jacob, ke sikandin te, “Jacob.” Ne midtavak si Jacob te, “Heini e zed.”

Exodus 3:4

Ne hein naahà sikandin te Nengazen is malù ed-uvey te kedsusi, nezineg din is ked-umew te Megbevayà he ebpuun dutun te teliwazà te egkeregreg he egkaǥi te, “Moises! Moises!” Ne midtavak si Moises te, “Heini e zed.”

Isaias 58:9

Emun ed-umawen a keniyu su ebpetavang kew, edtevaken ku sikiyu. “Emun ed-engkezan niw is kebpendaagdaag, is kebpemesangil te binèbeelan dà, wey is kegkaǥi te mezaat,

Numero 12:6

migkaǥi is Nengazen te, “Pemineǥa niw heini: Emun duen ku ebpeneuven diyà te keniyu, ne ebpekidlalag a kandin pinaaǥi te ibpelewasan ku wey ibpeteǥeinep ku.

1 Samuel 3:16

Ne mid-umew zin te, “Samuel, anak.” Midtavak si Samuel, “Hengkey, datù.”

1 Samuel 3:4

mid-umew sikandin te Nengazen. Midtavak si Samuel te, “Hengkey, datù?”

1 Samuel 3:6

Mid-uman en maan umawa sikandin te Nengazen, “Samuel! Samuel!” Mid-enew si Samuel ne midhendiyà te ki Eli, ke sikandin te, “Hengkey, datù, maan is ed-umawen a kenikew?” Midtavak si Eli te, “Mama, wazè ku sikew umawa, likù ke en wey med-uman medlipezeng.”

1 Samuel 3:8

Mid-umew sikandin umani te Nengazen te ketetelu. Mid-enew si Samuel ne midhendiyà te ki Eli is egkaǥi te, “datù, maan is ed-umawen a kenikew?” Ne zutun netuenan ni Eli he iyan ed-umew ki Samuel is Nengazen.