Genesis 30:9 - Manobo Western Bukidnon OT

⁹ Ne hein kenè en si Lea ebpekaanak, ne impeesawa zin ki Jacob is uripen din he si Zilpa.

Genesis 30:9 ပူးပေါင်းရင်းမြစ်များ

Genesis 16:3

(Sepulù en he tuig dutun is ked-ubpà eni Abram diyà te tanà he Canaan.) Ne mibeyaan dutun ni Sarai haazà is uripen din he tig-Ehipto he si Hagar ne imbeǥey zin diyà te esawa zin wey zin meesawa.

Genesis 29:24

(Ne zaan he imbeǥey ni Laban si Zilpa is suluǥuen din he vahi ziyà te ki Lea wey mehimu he suluǥuen din.)

Genesis 29:35

Mibmeǥingey med-uman si Lea ne mid-anak sikandin te sevaha pa he maama. Migkaǥi sikandin te, “Edeliǥen ku is Nengazen.” Umbe migngezanan din haazà is batà te Juda. Puun dutun, wazè en sikandin med-anak.

Genesis 30:10

Mibmeǥingey si Zilpa, ne mid-anak te maama.

Genesis 30:17

Midtavak te Megbevayà is pengemuyù ni Lea, ne mibmeǥingey sikandin. Ne mid-anak sikandin te maama he ikelima te anak dan ki Jacob.

Genesis 30:4

Ne imbeǥey ni Raquel ki Jacob si Bilha is uripen din para mehimu he esawa zin daan, ne mibpekidhulid si Jacob kandin.

Genesis 30:8

Migkaǥi si Raquel te, “Mibpurung a mebpekidlawan te suled ku, ne nezaag ku sikandin.” Umbe migngezanan din haazà ki Naftali.

Genesis 46:18

Menge kevuwazan heini ni Zilpa, is suluǥuen he imbeǥey ni Laban diyà te anak din he si Lea. Ne heini is 16 ne menge kevuwazan ded daan ni Jacob.