Genesis 30:6 - Manobo Western Bukidnon OT

⁶ Ne migkaǥi si Raquel te, “In-awà human te Megbevayà is keelezan ku. Midtavak din is pengemuyù ku, su imbeǥey zin kedì is sevaha he anak he maama.” Umbe migngezanan din haazà is batà ki Dan.

Genesis 30:6 ပူးပေါင်းရင်းမြစ်များ

Genesis 30:5

Mibmeǥingey si Bilha, ne mid-anak te maama.

Genesis 30:7

Ne mibmeǥingey en maan si Bilha is suluǥuen ni Raquel, ne mid-anak sikandin te maama, ikezuwe en haazà he anak dan ki Jacob.

Genesis 35:25

Is menge anak din diyà te ki Bilha, sikan is suluǥuen ni Raquel he vahi, ne iyan si Dan wey si Naftali.

Genesis 46:23

Is anak he maama ni Dan ne iyan si Hushim.

Salmo 35:24

Nengazen he Megbevayè ku, ǥeina te kenè ka ebpemintahà, ne ipetueni nu te menge etew he wazè ku salà. Kenè nu ituǥut he ed-eengitan e zan.

Salmo 43:1

He Megbevayà, ipeehè nu he wazè ku salà, ne levani a su wey a kenà mezezeeti te menge etew he kenà edtuu te Megbevayà. Libriya a te kedezeeti kedì te limbungan wey lalung he menge etew.

Jeremias 13:2

Umbe, nemasa a te vahag he linu, ne imbevahag ku heini, su iyan heini migkaǥi te Nengazen.

Jeremias 13:24

Ibpeyapat ku sikiyu he iring te ukap he inlayap te keramag he ebpuun te disirtu.

Penhulùhulù 3:59

Neehè nu Nengazen, is mezaat he mibeelan te menge kuntada ku kayi te kediey, umbe beǥayi a te hustu he kukuman.

Deuteronomio 27:13

Ne iyan maan heini menge tribu he edhitindeg diyà te Buntud he Ebal te kedrawak te menge etew: is tribu ni Reuben, Gad, Asher, Zebulun, Dan, wey Naftali.

Deuteronomio 33:22

Mehitenged te tribu ni Dan, migkaǥi si Moises te, “Is tribu ni Dan iring te anak te erimaung he edlingketew puun te Bashan.”