Genesis 30:14 - Manobo Western Bukidnon OT

¹⁴ Sevaha zutun he timpu he iyan ting-eǥani te trigu, midhendiyà si Reuben te vevesukà, ne zuen neehè din he pinemula he mandaǥura. Mibpenguwa sikandin te veǥas kayi, ne mid-uwit din diyà te iney zin he si Lea. Hein naahà haazà ni Raquel, migkaǥi sikandin te, “Beǥayi ad kun keniyan te mandragura he mid-uwit te anak nu.”

Genesis 30:14 ပူးပေါင်းရင်းမြစ်များ

Genesis 25:30

Ne migkeǥiyan din si Jacob te, “Beǥayi e en kun, ipekaan ad keniyan te sinuba nu he meriǥàriǥà su utew ad egkevitil.” (Ne tenged dutun, egngezanan daan si Esau ki Edom, he ke và dà egkeǥiya, “Meriǥà”.)

Genesis 30:15

Ne midtavak si Lea te, “Wazè nu pe bes ikesuat is ked-eǥawa nu te esawa ku? Egkuwaan nu pa zaan is mandragura te anak ku?” Migkaǥi si Raquel te, “Emun ebeǥayan a kenikew te mandragura ne ibpehulid ku si Jacob kenikew kengkuwan ke mezukilem.”

Genesis 30:16

Hein mahapun en, ne ebpelingguma si Jacob is ebpuun diyà te vevesukà is ed-ulì en, ne midsinuǥung sikandin ni Lea, he egkaǥi te, “Kinahanglan he kayi ka edhulid te kedì guntaan te mezukilem, su mibeyazan ku en sikew ziyà te ki Raquel te mandragura he mid-uwit te anak ku.” Umbe ziyà te ki Lea medhulid si Jacob dutun te kezukilemi.

Solomon 7:13

Egkahazek ta is kehemut te pinemula he mandragura, ne ziyà te uvey te gemawan ta ne zutun is langun he meupiya he menge prutas, is daan wey is beǥu. Su inteǥana ku heini kenikew, pelanggè ku.

Ezekiel 48:25

Is edsunud he menge tanà, ne iyan is gaked te tribu ni Isachar, ni Zebulun, wey ni Gad, he is keluag dan, ebpuun daan te edsilaan taman te edsenlepan te Israel.