Genesis 3:8 - Manobo Western Bukidnon OT

⁸ Ne hein mahapun en dutun he ebpengpengeramag, nezineg dan is Nengazen he Megbevayà he edhiphipanew zutun te pemuleey. Ne haazà is maama wey esawa zin, mid-elesan dan is Megbevayà dutun te menge kayu he ziyà te pemuleey.

Genesis 3:8 ပူးပေါင်းရင်းမြစ်များ

Genesis 18:33

Ne zutun nepasad is kebitiyara zan, nahanew is Nengazen, ne mid-ulì si Abraham diyà te kandan.

Genesis 3:10

Ne midtavak is maama te, “Nezineg ku sikew is edhiphipanew zini te pemuleey, ne nahandek a, su lelevas a, umbe mid-eles a.”

Job 22:14

Netembunan sikandin te mekepal he menge ǥapun, umbe kenè kiw zin egkaahà ke edhiphipanew sikandin diyà te zivavew te langit.’

Job 31:33

Wazè ku ieles is menge salè ku iring te ebeelan te zuma.

Job 38:1

Ne midtavak te Nengazen si Job he ebpuun te eribpures is laǥeng din,

Erubasa 15:3

Egkaahà te Nengazen is minsan hendei. Egkeehè din is ed-ul-ulahan te minsan hentei, metazeng etawa lalung.

Jeremias 23:24

Wazà etew he ebpekeeles diyà te meeles he lugar he kenè ku egkaahà. Wazè niw ve metueni he ziyà a te minsan hendei ziyà te langit wey ziyà te tanà? Iyan a, is Nengazen, is migkaǥi kayi.

Hoseas 10:8

Edrundusen is menge simbahan diyà te metikang he menge lugar ziyà te Aven, he iyan nehimu he hinungdan te kebpekesalà te menge tig-Israel. Ebmelayat is ebpenuvù he menge zuǥiyen ne ebpeketambun heini te menge pemuhatè dan. Ne egkeǥiyan dan is menge vuntud te, ‘Tempaǥi key wey vunbuni!’ ”

Leviticus 26:12

Eduma a keniyu ne iyan a egkehimu he Megbevayè niw ne ebpedayun is kegkehimu niw he menge etew ku.

Jonas 1:3

Piru wazà mebpezumazuma si Jonas su mibpeleǥuyan din is Nengazen pehendiyà te Tarshish. Midhendiyà sikandin te Jopa, ne zutun duen barku he edhendiyà te Tarshish. Mibayad sikandin te piliti, ne hein nekevayad en, mid-untud dutun te varku he ebpehendiyà te Tarshish su wey zin mepeleǥuyi is Nengazen.

Deuteronomio 23:14

Su is Nengazen he Megbevayè niw edliǥuyliǥuy ziyà te kampu niw te kedlibri keniyu wey ibeǥey zin diyà te keniyu is menge kuntada niw. Umbe kinahanglan he lumpiyu is kampu niw su para wazè din egkaahà he kenà meupiya, su para kenè kew zin ewai.

Deuteronomio 4:33

Duen be zuma he menge etew he iring keniyu te neuyag pa, minsan nezineg niw is laǥeng te Megbevayà he ebpuun diyà te hapuy? Wazà!

Deuteronomio 5:25

Piru kenè key egkesuat he ebpemiligru. Su emun egkeuman dey egkezineg is laǥeng te Nengazen he Megbevayè tew, ne siguradu egkeepur key keniyan te mekeǥeǥehem he hapuy.