Genesis 3:6 - Manobo Western Bukidnon OT

⁶ Ne hein nesavut te vahi he metaam bes he egkeenen haazà is beǥas te kayu, wey meupiya zaan he ed-ahaan wey nesavut din daan he utew haazà egkinehenglana su wey zan mehimu he utew metau, ne midrupù sikandin dutun ne migkaan din. Ne mibeǥayan din daan is esawa zin he zuma zin daan dutun ne migkaan daan sikandin.

Genesis 3:6 ပူးပေါင်းရင်းမြစ်များ

Genesis 3:12

Ne midtavak is maama te, “Haazà is bahi he impezuma nu kediey, mibeǥayan e zin ne migkaan a.”

Genesis 3:17

Ne zutun migkeǥiyan te Megbevayà is maama te, “Tenged te mibpemineg ka te esawa nu ne migkaan ka zuen te veǥas te kayu he indawey ku he ke siak te, ‘Kenè niw heeyan keena,’ ne edrewakan ku is tanà tenged keniyu. Ne taman te kenè ke pa ebpatey wey ke zà ebpekekaan te veǥas te edtuvù dutun te tanà ke egkerasey ka he edhaǥù.

Genesis 39:7

Ne wazà meuǥet, neimahan sikandin te esawa te egalen din. Ne midhinggat din si Jose he ebpehulizè dan.

Genesis 6:2

Naahà duen te menge anak te Megbevayà he memekempet is menge vahi he anak te menge etew, ne mid-esawa zan dutun is menge vahi sumalà is egkesuatan dan.

2 Samuel 11:2

Hein sevaha he mahapun dutun te meǥaan en edsanlep is andew, mid-enew si David ne midhiphipanew zuen te patag he atep te turuǥan din. Dutun te ebpememantew sikandin, neehè din diyà te zizalem is utew metaid he vahi he ebpemeziǥù.

1 Hadì 13:19

Umbe, miduma kandin diyà te valey zin haazà is suluǥuen te Megbevayà ne migkaan wey mid-inum sikandin dutun.

Job 31:1

“Nenangdù a he kenè ku ebpezumahan te arig is kedtengteng ku te menge raǥa.

Ezekiel 24:16

“Sikew is etew, sengekebperè dà ne edtik-awan ku egkuwaa is bahi he utew nu mibmahal. Piru kenè nu sikandin sineǥawi ne kenè ka seengseeng para kandin.

Ezekiel 24:25

Mibpedayun megkaǥi is Nengazen te, “Sikew is etew, emun timpu en te kedrundusa ku zuen te valey ku, he eputè dan, he ebentuǥen dan, utew zan mahal, wey kelipey zan, ne emun ebpenhimetayan ku he is menge anak dan,

Hoseas 6:7

Iring ki Adan, wazè niw itetepi-an is paaǥi ku te kebpekid-uyun keniyu. Midluivan a keniyu keniyan te lugar niw.

Josue 7:21

Duen te menge azen he netavan tew, duen ku neehè he mekempet he visti he ebpuun diyà te Babilonia, pelata he menge dezuwa he kilu wey tengà, wey senge verita he vulawan he menge tengà te kilu. Utew ku neimahi heini he menge azen, umbe migkuwa ku. Ne inleveng ku heini ziyà te tanà he seled te tulda ku, ne ziyà te kinezizeleman sikan is pelata.”

Zatù 14:17

Puun dutun midtulung en medsineǥew haazà is bahi taman te ikepitu he andew. Umbe nekaǥi ni Samson diyà te kandin is entuk su ǥeina te edteǥel sikandin. Ne is migkaǥi ni Samson diyà te kandin ne migkaǥi zin duen te menge zuma zin he Filistihanen.