Genesis 3:24 - Manobo Western Bukidnon OT

²⁴ Ne hein midsegseg din en haazà is etew, impevantey zin dutun te zapit te pemuleey he Eden sikan is menge velinsuǥuen din he kirubin wey zuen daan egkeregreg he ispada he ebiyuviyu su wey wazà minsan hentei he ebpekehendiyà te kayu he ebpekeveǥey te untung.

Genesis 3:24 ပူးပေါင်းရင်းမြစ်များ

Genesis 3:23

Ne tenged dutun midsegseg te Nengazen he Megbevayà sikan is menusiyà puun dutun te pemuleey he Eden, ne impevasuk din sikandin duen te tanà he zutun sikandin ebpuun.

Genesis 4:1

Ne zutun mid-uvayan ni Adan haazà is esawa zin he si Eva, ne mibmeǥingey sikandin ne mid-anak sikandin te maama, ne ke si Eva te, “Midtevangan a te Nengazen he mekeanak a, umbe egngezanan ku sikandin te Cain.”

Genesis 4:14

Midsegseg a kenikew kayi he tanà wey nekepekeziyù ad kenikew. Ne wazè en egketendù he egkeubpaan ku, umbe ebpekeriǥuriǥu a zini te lumpad. Ne egkehimu he edhimetayan a te minsan hentei he egkeuma ku.”

Salmo 104:4

Midhimu nu he menge menunudtulè nu is keramag, ne menge suluǥuen nu is menge kilat.

Salmo 80:1

Sikew is ebantey te Israel, pemineǥa key kenikew, iyan ka migiya te iring te menge kerehidu he menge kevuwazan ni Jose. Sikew is ebpimpinuu ziyà te pinuuwè nu te kedhadì he egkezivavew te nepelestaran te menge kirubin, ipeehè nu is gehem nu

Salmo 99:1

Edhadì is Nengazen ne ebpimpinuu sikandin diyà te pinuuwè din te kedhadì he ziyà te teliwazà te menge kirubin. Nehuyung is kelibutan tenged te ǥehem din; ebpengerkeren is menge etew te kezekelà te kedtahud dan kandin.

Exodus 25:2

“Keǥiyi nu is menge Israilihanen te uwiti e zan te menge halad. Ne iyan ka zawat dutun te idhalad dan kayi te kediey he ebpuun diyà te keputian te atey zan is kebeǥaya zan duen.

Ezekiel 10:1

Dutun te edtengteng a, duen neehè ku he henduen be te pinuuwà te kedhadì he vatu he sepiru ziyà te zivavew te tambun he kristal he ziyà te zivavew te ulu zuen te menge kirubin.

Ezekiel 31:11

ibeǥey ku heini ziyà te nasyun he lavew he mekeǥeǥehem te zuma he menge nasyun he siguradu he edsilut kandin te sungkad te kelelalung din. Uya, idselikwey ku sikandin;

Numero 22:23

Ne hein naahà duen te asnu he midhitindeg is belinsuǥuen te Nengazen diyà te zalan he egkulang te ispada, midsuwey heini zuen te zalan ne ziyà mebayà te vevesukà. Umbe mibpenlagkut heini ni Balaam su wey medlikù duen te zalan.

Josue 5:13

Ne hein diyà si Josue te uvey te Jerico, duen etew he neehè din he edhithitindeg diyà te etuvangan din he egkulang te ispada. Ne mid-insaan sikandin ni Josue te, “Sundaru zey ve sikew etawa kuntada zey sikew?”

1 Samuel 4:4

Umbe, midsuǥù sikandan te menge etew he ibpekuwa ziyà te Shilo kes Kavan te Kebpekid-uyun te Nengazen he Mekeǥeǥehem. Is tangeb din ne zuen dezuwa he ledawan te kirubin, ne zutun is Nengazen ed-ubpà te pid-elangan. Elin daan dutun miduma kes dezuwa he anak ni Eli he si Hofni wey si Finehas.