Genesis 3:19 - Manobo Western Bukidnon OT

¹⁹ Ne taman te kenè ke pa idleveng dini te tanà, wey ke zà ebpekekaan ke edrimusengan ka. Is eliyavuk te tanà iyan puunà te lawa nu ne ziyà daan heini keuzemà te eliyavuk ebpekeulì.”

Genesis 3:19 ပူးပေါင်းရင်းမြစ်များ

Genesis 18:27

Ne mid-uman dutun si Abraham megkaǥi te, “Peseyluwa a, su ǥeina te mibpekevurut a he egkaǥi ziyan te kenikew te Nengazen, ibpelaus ku pa is egkeǥiyen ku, minsan pa te kayi te etuvangan nu iring a te eliyavuk dà wey igmuk su utew minus is pid-etawan ku.

Genesis 2:7

Ne zutun midlimbag te Nengazen he Megbevayà is etew, ne iyan inlimbag din dutun is eliyavuk he ebpuun dini te tanà. Ne inhiyup din dutun te izung duen te etew is kandin en he ǥehinawa he ebpekeuyag, ne zutun nehimu is etew he linimbag he ebpekeǥeǥehinawa.

Genesis 23:4

“Nekeubpà a kayi te lugar niw he sevaha he lumelengyawè dà, umbe emun egkehimu ipepemsa a keniyu te tanà he edlevengan ku te esawa ku.”

Genesis 3:18

Su menge meǥarang wey menge zuǥiyen is edtuvù dutun te kebasuk nu. Ne ebpekekaan ka te veǥas te menge pinemula nu.

Genesis 5:5

Ne hein 930 en he tuig is penuiǥen din, minatey sikandin.

Job 1:21

Ke sikandin te, “In-anak a he wazè ku uwiten ne ebpatey a zaan he wazè ku uwiten. Is Nengazen is mibeǥey te langun he naangken ku, ne iyan daan sikandin migkuwa kayi. Ereg he edeliǥen is ngazan te Nengazen!”

Job 10:9

Tentenuzi nu he mibpurma a kenikew he ebpuun te tanà, ne ǥuntaan, idlikù e en be kenikew ziyà te tanà?

Job 19:26

Minsan egkeredak en is lundis ku wey ed-awà ad kayi te lawa ku, ne egkeehè ku gihapun is Megbevayà.

Job 21:26

Piru ebpeked-iring dan dà su pudu zan idleveng wey pudu egkeena te tagkey.

Job 34:15

ebpematey is langun he menge etew ne ebpekelikù dan diyà te tanà.

Job 4:19

ne iyan pe be is menge etew he tanè dà is mibpuunan te kedlimbaǥa zuen, ne melemu zà he edrunteken iring te menge zezeizey he keranapranap!

Salmo 103:14

Su netuenan din ke mibmenumenu kiw zin te ebaal. Ne edtentenuzan din he mibeelan kiw zin he ebpuun diyà te eliyavuk.

Salmo 104:23

Ne is menge etew ebpemenggawas diyà te menge valey zan su edterebahu zan taman te egkesakep.

Salmo 104:29

Iyan, ke ebey-anan nu sikandan, ne egkengehandek dan; emun id-awè nu is gehinawa zan, ne ebpematey sikandan ne ebpekelikù sikandan diyà te tanà he iyan ebpuunan dan.

Salmo 127:2

Emun kenà edtavang is Nengazen, wazà daan pulus te kedhaǥù te kedsayu ked-enew wey is kedlapus te kedterebahu para zuen egkekaan. Su iyan is Nengazen ebeǥey te menge kinahanglan te menge etew he mibmahal zin, minsan nekelipezeng sikandan.

Salmo 22:15

Naawè en is desen ku; iring a te tanà he mibadtik, ne mibmevisekeg en is dilè ku. Nengazen, ebey-anan a kenikew minsan pa te edserupatey ad.

Salmo 22:29

Kenà duwazuwa he edsimba kenikew is langun he menge sepian he etew kayi te kelibutan. Minsan is langun he menge etew he henduen be te ebpematey en, ne ibpeehè dan is kedtahud dan kenikew su edluhud dan. Wey minsan sikan is nemematey en,

Salmo 90:3

Kenikew he vayàbayà is kemetayen te etew; idlikù nu sikandin diyà te tanà he iyan kes ebpuunan din.

Erubasa 21:16

Kemetayen is egkepengkusan te etew he edlikayan din is kegketau.

Megwewali 1:13

Mibpurungan ku istudyuwi is mehitenged te kedsavut, ne pinaaǥi te ketau ku, mibpurungan ku susiya is minsan hengkey he egkengeulaula kayi te kelibutan. Ne zutun, netuenan ku he utew merasey is ibanglis te Megbevayà te menusiyà.

Megwewali 1:3

Hengkey is egkekuwa te menge etew ziyà te langun he hineǥuan dan kayi te kelibutan?

Megwewali 12:7

Edlikù ka ziyà te tanà he iyan mibpuunan nu, ne sikan is gehinawa he mibeǥey kenikew te untung ne edlikù diyà te Megbevayà he iyan mibeǥey kayi.

Megwewali 3:20

Neked-iiring is egkepengkusan te langun he egeǥehinawa he linimbag. Sikandan pudu ne ziyà ebpuun te tanà, ne ziyè ded te tanà sikandan edlikù.

Megwewali 5:15

Neetew kiw he wazè din uwiten, ne ebpatey kiw zaan he wazè din uwiten. Wazè tew en egkevulug egkeuwit duen te menge hineǥuan tew.

Daniel 12:2

Ebenhawen is mahabet he nemematey. Is duma kandan ebpekaangken te untung he wazà pidtemanan, piru is duma edrewakan wey ebpeel-elezan te wazà pidtemanan.