Genesis 3:17 - Manobo Western Bukidnon OT

¹⁷ Ne zutun migkeǥiyan te Megbevayà is maama te, “Tenged te mibpemineg ka te esawa nu ne migkaan ka zuen te veǥas te kayu he indawey ku he ke siak te, ‘Kenè niw heeyan keena,’ ne edrewakan ku is tanà tenged keniyu. Ne taman te kenè ke pa ebpatey wey ke zà ebpekekaan te veǥas te edtuvù dutun te tanà ke egkerasey ka he edhaǥù.

Genesis 3:17 ပူးပေါင်းရင်းမြစ်များ

Genesis 3:11

Ne migkaǥi is Nengazen he Megbevayà te, “Hentei is migkaǥi kenikew he lelevas ka? Migkaan ke ve zuen te veǥas te kayu he indawey ku keniyu?”

Genesis 3:18

Su menge meǥarang wey menge zuǥiyen is edtuvù dutun te kebasuk nu. Ne ebpekekaan ka te veǥas te menge pinemula nu.

Genesis 3:6

Ne hein nesavut te vahi he metaam bes he egkeenen haazà is beǥas te kayu, wey meupiya zaan he ed-ahaan wey nesavut din daan he utew haazà egkinehenglana su wey zan mehimu he utew metau, ne midrupù sikandin dutun ne migkaan din. Ne mibeǥayan din daan is esawa zin he zuma zin daan dutun ne migkaan daan sikandin.

Genesis 5:29

Ne migngezanan din ki Noe su ke sikandin te, “Pinaaǥi kayi te vatà malù ebmahagkap is meveǥat he terebahu tew te kebasuk he imbeǥey kenitew tenged te midrewakan dengan te Nengazen is tanà.”

Genesis 8:21

Ne nahazek te Nengazen is kehemut te evel zutun, ne ke sikandin diyà te ǥehinawa zin te, “Kenè ku en maan edezeetan is menusiyà, minsan netuenan ku en he mekesesalà sikandan puun pa te ked-enaka kandan. Kenè ku en maan ed-umanan edlimasa iring te mibeelan ku.

Job 14:1

“Sikami is menge etew, ne mevavè dà is untung dey ne mahabet is ebpekerasey kenami.

Job 21:17

“Piru zeisey zà kandan te menge lalung is ebpematey. Mezelag dà sikandan ebpekesaǥad te kelised etawa silut he ebpeseǥazan te Megbevayà kandan tenged te pauk din.

Salmo 127:2

Emun kenà edtavang is Nengazen, wazà daan pulus te kedhaǥù te kedsayu ked-enew wey is kedlapus te kedterebahu para zuen egkekaan. Su iyan is Nengazen ebeǥey te menge kinahanglan te menge etew he mibmahal zin, minsan nekelipezeng sikandan.

Megwewali 2:11

Piru hein mibpurungan ku is-isipa is langun kayi te mibeelan ku, iyan neuma te isip ku is wazà pulus kayi te langun. Iring dà te edal-as a te keramag. Wazà iyan pulus te kedhaǥù kayi te kelibutan.

Megwewali 2:17

Umbe, wazà mekepenunuat kedì is kebpengungubpaan ku, su is menge vuluhaten kayi te kelibutan ne iyan nekeuwit kedì diyà te kemereǥenan. Heini is langun wazè din pulus; henduen e zà te edal-as te keramag.

Megwewali 5:17

Kayi te ked-ubpè ta ne mahabet he menge timpu he zutun edlised ki, egkeseeng ki, egkezeruwan ki, wey egkepauk ki.