Genesis 3:12 - Manobo Western Bukidnon OT

¹² Ne midtavak is maama te, “Haazà is bahi he impezuma nu kediey, mibeǥayan e zin ne migkaan a.”

Genesis 3:12 ပူးပေါင်းရင်းမြစ်များ

Genesis 2:18

Ne migkaǥi zutun is Nengazen he Megbevayà te, “Kenà meupiya zuen te etew emun sebsevaha zà sikandin. Umbe ebeelan ku sikandin te zuma zin he zait he ebpeketavang kandin.”

Genesis 2:20

Ne migngezanan dutun te etew is langun he menge ayam he langgam dutun, wey is menge tagbis he ziyà ebpemenlayang te hewhewanan wey is langun he menge leew he langgam. Ne minsan pa zutun wazè pa hustu he zuma zutun te etew he ebpeketavang kandin.

Genesis 2:22

Ne puun dutun te ǥusuk he migkuwa zin puun dutun te maama, midhimu te Nengazen he Megbevayà is bahi. Ne impeehè din haazà is bahi zutun te maama.

Genesis 3:11

Ne migkaǥi is Nengazen he Megbevayà te, “Hentei is migkaǥi kenikew he lelevas ka? Migkaan ke ve zuen te veǥas te kayu he indawey ku keniyu?”

Job 31:33

Wazè ku ieles is menge salè ku iring te ebeelan te zuma.

Erubasa 19:3

Duen menge etew he edezeeten dan is keugelingen dan tenged te kedtinulebung dan, ne iyan ebesulan dan is Nengazen.

Erubasa 28:13

Is etew he id-eles din is menge salè din ne kenà ed-uswag, iyan, is etew he idtug-an din wey ed-engkezan din te ed-ulaula is menge salè din, igkehizu sikandin te Megbevayà.

1 Samuel 15:15

Midtavak si Saul te, “Menge vaka wey kerehidu he pinekemeupiya he mid-uwit te menge sundaru he ebpuun te Amalikanhen. Wazè dan himetayi su ibpemuhat dan diyà te Nengazen he iyan Megbevayè nu, piru is duma midpenhimetayan dey emina.”