Genesis 3:10 - Manobo Western Bukidnon OT

¹⁰ Ne midtavak is maama te, “Nezineg ku sikew is edhiphipanew zini te pemuleey, ne nahandek a, su lelevas a, umbe mid-eles a.”

Genesis 3:10 ပူးပေါင်းရင်းမြစ်များ

Genesis 2:25

Ne lelevas haazà is dezuwa, sikan is maama wey esawa zin, iyan, kenè dan haazà igkeeled.

Genesis 3:11

Ne migkaǥi is Nengazen he Megbevayà te, “Hentei is migkaǥi kenikew he lelevas ka? Migkaan ke ve zuen te veǥas te kayu he indawey ku keniyu?”

Genesis 3:7

Ne zutun te nekepasad dan he egkaan, netuenan dan ke hengkey is meupiya wey mezaat, ne neseǥipè dan human he lelevas dan bes. Umbe mibpenahì dan is menge zahun te kayu he higus su wey zan duen igketambun te lawa zan.

Job 23:15

Umbe, egkahandek a kandin. Emun ed-isipen ku heini, ne utew subra is kegkahandek ku.

Job 31:33

Wazè ku ieles is menge salè ku iring te ebeelan te zuma.

Salmo 119:120

Egkerkeren a te kegkahandek kenikew; ingkahandek ku utew is kedhukum nu.

Exodus 20:18

Ne hein nezineg duen te menge etew is beransì, wey zaǥing te vudyung, wey hein neehè dan is egkeserasab he kilat, wey evel zutun te vuntud, migkerker sikandan te kegkahandek dan, ne mibpekeziyù sikandan.

Exodus 20:19

Ne migkeǥiyan dan si Moises te, “Ebpemineg key minsan iyan ke zà ebpekidlalag kenami ne kenè nu en iyan ipepekidlalag kenami is Megbevayà su kela ke mebpemematey key.”

Exodus 3:6

Ne mid-uman sikandin megkaǥi te, “Iyan a sikan is Megbevayà he ed-ezapen te menge kepuun nu, ed-ezapen a ni Abraham, ed-ezapen a ni Isaac wey ed-ezapen a ni Jacob.” Ne zutun midtembunan ni Moises is dagwey zin su egkahandek he ed-ahà te Megbevayà.

Exodus 32:25

Naahà ni Moises he wazè en dewaya ni Aaron is menge etew he subre en is kedlipeylipey zan. Ne tenged dutun ed-eengitan sikandan te menge kuntada zan diyà te peliǥuy.

Isaias 33:14

Mibpengerker tenged te kekahandek is menge mekesasalà diyà te Zion. Egkaǥi sikandan te, “Is Megbevayà, iring te edriyubriyub he hapuy he kenà egkeuvukan. Hentei man kenitew is ebpekeubpà diyà te etuvangan te Megbevayà?”

Isaias 47:3

Egkaahà is kegkelavasi nu ne egkepeel-elezan ka. Ebelesan ku sikew ne kenè ku en sikew egkehizuwan.”

Isaias 57:11

Migkaǥi is Nengazen te, “Hentei ves heini is menge ed-ezapen he utew niw igkahandek ne midterteruan a keniyu? Midlipatan ad keniyu ne wazà ad keniyu seǥipaa. Hengkey ves is hinungdan maan is wazè kew en medtahud kedì? Tenged be te mibpereremek e zà seled te meluǥayad he timpu?

Deuteronomio 5:25

Piru kenè key egkesuat he ebpemiligru. Su emun egkeuman dey egkezineg is laǥeng te Nengazen he Megbevayè tew, ne siguradu egkeepur key keniyan te mekeǥeǥehem he hapuy.