Genesis 29:8 - Manobo Western Bukidnon OT

⁸ Midtavak sikandan te, “Kenà egkehimu emun kenè dey pa egkevurunburun is menge kerehidu zey. Emun kayi en is langun he kerehidu ne edlilizen dey haazà is intangeb he vatu su wey mekeinum sikandan.”

Genesis 29:8 ပူးပေါင်းရင်းမြစ်များ

Genesis 29:3

Edteǥan te menge bekidu te kerehidu he egkevurunburun is langun he menge kerehidu zan ne human dan id-awà haazà is batu he intangeb. Emun egkepasad dan te kebpeinum is menge kerehidu zan, ne idlikù dan haazà is batu.

Genesis 29:7

Ne migkeǥiyan en maan ni Jacob te, “Metikang pa is andew, ne kenè pa uras he edtudilen is menge kerehidu, deyzey vuwa ke ibpeinum niw sikandan, ne ipeuman niw pa ipepenabtab.”

Genesis 29:9

Kemulu pa ebpekibitiyara si Jacob kandan dutun kebpekeuma ni Raquel he edtundan te menge kerehidu te amey zin, su sikandin is ed-elima kayi.

Genesis 34:14

Ke sikandan te, “Kenà egkehimu he ibpeesawa zey is etevey zey te maama he wazà mesirkunsidar, su utew heeyan mekeeled-eled dini te kenami.

Genesis 43:32

Impedsisivey zan is egkeenan: is egkeenan ni Jose, is egkeenan te menge suled din, wey is egkeenan te menge etew zutun he tig-Ehipto. Su is menge tig-Ehipto kenè dan ebpekidtuǥen te menge Hebriyuhanen su utew haazà supak te menge vetasan dan.

1 Samuel 9:11

Ne hein ebpenekezeg dan en dutun te vuvungan pehendiyà te inged, duen dan nesinuǥung he menge raǥa he ebpuun dutun te inged is ebpemenekezu. Mid-insaan dan haazà is menge raǥa te, “Kayi ve kes menenagnà?”