Genesis 29:3 - Manobo Western Bukidnon OT

³ Edteǥan te menge bekidu te kerehidu he egkevurunburun is langun he menge kerehidu zan ne human dan id-awà haazà is batu he intangeb. Emun egkepasad dan te kebpeinum is menge kerehidu zan, ne idlikù dan haazà is batu.

Genesis 29:3 ပူးပေါင်းရင်းမြစ်များ

Genesis 29:2

Ne zuen neehè din diyà te unayan he sevaha he kalut, ne ziyà te uvey kayi zuen tetelu he leyuzan he kerehidu, su ziyà egkuwa is menge etew zutun te wahig he ibpeinum dan te menge kerehidu zan. Heini he kalut ne midtengevan te zekelà he vatu.

Genesis 29:4

Ne mid-insaan ni Jacob haazà is menge bekidu te kerehidu te, “Geli, hendei kew ebpuun?” Midtavak sikandan te, “Tig-Haran key.”

Genesis 29:8

Midtavak sikandan te, “Kenà egkehimu emun kenè dey pa egkevurunburun is menge kerehidu zey. Emun kayi en is langun he kerehidu ne edlilizen dey haazà is intangeb he vatu su wey mekeinum sikandan.”

Exodus 2:17

Ne nemekeuma is duma he ebpemen-elima te kerehidu ne edsegseǥen dan haazà is menge vahi wey is menge uyaǥen dan, iyan, midtevangan sikandan ni Moises, ne impeinum din sikan is menge kerehidu he ed-elimahan dan.

Solomon 4:12

He pelanggè ku he minahal, henduen ka te pemuleey he midsireduwan he zuen duen edtudà he serebseb.

Zatù 5:11

Pemineǥa niw is edseysayen te menge etew he ebpemenliǥuy ziyà te menge teheb. Edseysayen dan is kezeeǥan te Megbevayà pinaaǥi te menge sundaru zin diyà te Israel. Ne midhendiyà is menge etew te Nengazen te pultahan te inged he ke sikandan te,